Employees’ State Insurance Corporation (ESIC) தனது 2025-ம் ஆண்டின் புதிய அம்னெஸ்டி திட்டத்திற்கான காலக்கெடுவை டிசம்பர் 31, 2026 வரை நீட்டித்துள்ளது. இதன் மூலம் நிறுவனங்கள் அபராதம் இன்றி சட்டச் சிக்கல்களை தீர்த்துக்கொள்ள வாய்ப்பு கிடைத்துள்ளது.
Employees’ State Insurance Corporation (ESIC) நிர்வாகம், தனது 'New Amnesty Scheme 2025' திட்டத்திற்கான காலக்கெடுவை அதிரடியாக டிசம்பர் 31, 2026 வரை நீட்டித்துள்ளது. முன்னதாக இந்தத் திட்டம் செப்டம்பர் 30, 2026-வுடன் முடிவடைவதாக இருந்தது. மார்ச் 31, 2025-க்கு முன் தொடங்கப்பட்ட வழக்குகளைச் சுமூகமாக முடிக்க நிறுவனங்களுக்கு இது கடைசி வாய்ப்பாகும்.
நிறுவனங்களுக்கு என்ன லாபம்?
நீண்ட கால சட்டப் போராட்டங்களில் சிக்கியுள்ள முதலாளிகள், இந்தத் திட்டத்தின் மூலம் சுலபமாக வெளியேற முடியும். நிலுவையில் உள்ள ESI பங்களிப்புத் தொகையை மட்டும் வட்டியுடன் செலுத்தி, அபராதத்தைத் தவிர்க்கலாம். ஒருவேளை அசல் தொகையை ஏற்கனவே செலுத்தியிருந்தால், அந்தப் பிரச்சனையை முடிவுக்குக் கொண்டுவர, நிர்ணயிக்கப்பட்ட அபராதத் தொகையில் 10% செலுத்தினால் போதுமானது. நீதிமன்றத்தின் அனுமதி பெற்று இந்த வழக்குகளை நிறுவனம் முடித்துக்கொள்ளலாம்.
பேலன்ஸ் ஷீட்டில் மாற்றம்
பல நிறுவனங்களின் நிதிநிலை அறிக்கைகளில் 'Contingent Liabilities' எனப்படும் எதிர்பாராத சட்டச் சிக்கல்கள் நிதிச் சுமையாகக் காட்டப்படும். இந்த அம்னெஸ்டி திட்டத்தைப் பயன்படுத்தி வழக்குகளை முடிப்பதன் மூலம், நிறுவனங்கள் தங்கள் கணக்குகளைத் தூய்மைப்படுத்த முடியும். இது எதிர்காலத்தில் ஏற்படக்கூடிய தேவையற்ற பண இழப்புகளைத் தவிர்க்கவும், நிதி ஆரோக்கியத்தை மேம்படுத்தவும் உதவும்.
தங்கள் நிறுவனம் இந்தத் திட்டத்திற்குத் தகுதியானதா என்பதை அறிய, ESIC-ன் அதிகாரப்பூர்வ இணையதளத்தில் உள்ள வழிகாட்டுதல்களைச் சரிபார்க்கவும். டிசம்பர் 31, 2026-க்குள் அனைத்து ஆவணங்களையும் சமர்ப்பித்து செட்டில்மென்ட் செய்வது அவசியம்.