Vitalik Buterin: இந்தியாவிற்கான பிளாக்செயின் பாதையை இந்தியர்களே தீர்மானிக்க வேண்டும் - எத்தேரியம் நிறுவனர் பேச்சு

மும்பையில் நடந்த Devcon 8 நிகழ்வில் பேசிய எத்தேரியம் இணை நிறுவனர் Vitalik Buterin, இந்தியாவின் டிஜிட்டல் வளர்ச்சிக்கு பிளாக்செயின் தொழில்நுட்பம் எந்த அளவுக்கு முக்கியம் என்பதை தெளிவுபடுத்தினார். எத்தேரியம் ஃபவுண்டேஷன் தனது கட்டுப்பாட்டில் வைத்திருப்பதை விட, அந்தந்த நாட்டு டெவலப்பர்கள் தங்கள் தேவைகளுக்கேற்ப தீர்வுகளை உருவாக்க வேண்டும் என்பதே இவரது நிலைப்பாடு.

கிரிப்டோ முதலீட்டாளர்கள் கவனத்திற்கு:

எத்தேரியம் என்பது NSE அல்லது BSE-ல் பட்டியலிடப்பட்ட கம்பெனி அல்ல. இதற்கு ஷேர்கள், டிவிடெண்ட் அல்லது கார்பரேட் ரிப்போர்ட்கள் கிடையாது. இது ஒரு பரவலாக்கப்பட்ட (Decentralized) நெட்வொர்க். எனவே, இதில் ஏற்படும் மாற்றங்கள் டெக்னாலஜி சார்ந்தவை, நிதி சார்ந்த கம்பெனி முடிவுகள் அல்ல என்பதை முதலீட்டாளர்கள் புரிந்துகொள்ள வேண்டும்.

மாறிவரும் இந்திய சூழல்:

கடந்த காலங்களில் இந்திய டெவலப்பர்கள் வெறும் 'Initial Coin Offerings' மற்றும் ஊக அடிப்படையிலான (Speculative) டோக்கன் திட்டங்களிலேயே ஆர்வம் காட்டி வந்தனர். ஆனால் தற்போது நிலைமை மாறியுள்ளது. இப்போது 'Zero-knowledge proofs' போன்ற சிக்கலான மற்றும் பாதுகாப்பான தொழில்நுட்பங்களில் அதிக கவனம் செலுத்துகின்றனர்.

இந்தியாவின் டிஜிட்டல் பப்ளிக் இன்ஃப்ராஸ்ட்ரக்சருடன் (DPI) பிளாக்செயினை எப்படி இணைக்கலாம் என்பதுதான் இப்போதைய டிரெண்ட். பிரடிக்சன் மார்க்கெட் மற்றும் வெரிஃபிகேஷன் சிஸ்டம் போன்ற நடைமுறை பயன்பாடுகள் அதிகரித்து வருவது ஆரோக்கியமான மாற்றம்.

கவனிக்க வேண்டிய ரிஸ்க்குகள்:

டெக்னாலஜி வளர்ச்சி சிறப்பாக இருந்தாலும், இந்தியாவில் கிரிப்டோ சொத்துக்களுக்கான ரெகுலேட்டரி விதிமுறைகள் இன்னும் தெளிவாக மாறிக் கொண்டிருக்கின்றன. சந்தை நிலவரம் மிகவும் வாலடைலாக (Volatile) இருக்கும் என்பதால், டெவலப்பர்களின் கண்டுபிடிப்புகள் நிஜ உலக வியாபாரத்திற்கு எந்த அளவுக்கு பயன்படப்போகிறது என்பதை பொறுத்திருந்தே பார்க்க வேண்டும்.