Quick commerce போட்டியில் Swiggy ஒரு முக்கிய முடிவை எடுத்துள்ளது. புதிய ஸ்டோர்களை வேகமாகத் திறப்பதற்குப் பதிலாக, இருக்கும் Instamart ஸ்டோர்களின் திறனை அதிகரித்து லாபத்தை (EBITDA) உயர்த்த Swiggy திட்டமிட்டுள்ளது.
திறனுக்கு முன்னுரிமை, வேகத்திற்கு அல்ல
Swiggy தனது Quick Commerce வணிகத்தில் புதிய மாற்றத்தை கொண்டு வந்துள்ளது. சந்தையில் மற்ற நிறுவனங்கள் ஸ்டோர்களைத் திறப்பதில் காட்டும் வேகத்தை Swiggy காட்டப்போவதில்லை. அதற்குப் பதிலாக, தற்போதுள்ள 130 நகரங்களில் உள்ள ஸ்டோர்களை முழு திறனுடன் இயக்க நிர்வாகம் முடிவு செய்துள்ளது.
புதிய பெஞ்ச்மார்க் (Benchmark)
ஒரு புதிய ஸ்டோரைத் திறக்க வேண்டும் என்றால், ஏற்கனவே உள்ள ஸ்டோர் ஒரு நாளைக்கு குறைந்தது 2,000 ஆர்டர்களைப் பெற வேண்டும் என்பதை கட்டாயமாக்கியுள்ளது. சில சமயங்களில் ஒரு ஸ்டோர் 2,500 ஆர்டர்கள் வரை கையாளும் போதுதான் அடுத்த புதிய ஸ்டோர் திறக்கப்படுகிறது. இதன் மூலம் தேவையற்ற முதலீடுகளைத் தவிர்த்து, லாபத்தை ஈட்டுவதே (Adjusted EBITDA) நிறுவனத்தின் முக்கிய இலக்காக உள்ளது.
Blinkit உடனான கடும் போட்டி
இந்த உத்தி Blinkit-ன் வளர்ச்சிக்கு நேர் மாறானது. Blinkit நடப்பு நிதியாண்டின் இரண்டாம் காலாண்டில் மட்டும் 308 ஸ்டோர்களைச் சேர்த்துள்ளது. மேலும் 2028-க்குள் 5,000 ஸ்டோர்களைத் திறக்க இலக்கு நிர்ணயித்துள்ளது. ஆனால், Swiggy ஸ்டோர்களை அதிகரிப்பதை விட, 'Noice' மற்றும் 'Nectr' போன்ற சொந்த பிராண்டுகள் (Private Labels) மூலம் அதிக லாபம் ஈட்டவும், வாடிக்கையாளர்களைத் தக்கவைக்கவும் திட்டமிடுகிறது.
முதலீட்டாளர்கள் கவனத்திற்கு
இந்த மெதுவான விரிவாக்கம், சந்தைப் பங்குகளை மற்ற நிறுவனங்கள் கைப்பற்ற வாய்ப்பளிக்கும் என்பது ஒரு ரிஸ்க். இருப்பினும், நிறுவனம் லாபத்தை நோக்கிய பாதையில் பயணிக்கிறதா என்பதை, வரும் காலாண்டு முடிவுகளில் EBITDA மார்ஜின் மற்றும் ஸ்டோர் வாரியான ஆர்டர் அளவை வைத்து முதலீட்டாளர்கள் கண்காணிக்க வேண்டும்.