Samsung India நிறுவனத்தின் வருடாந்திர லாபம் **FY26** நிதியாண்டில் **36%** குறைந்து **₹7,228.10 கோடி**யாக சரிந்துள்ளது. மொபைல் போன் சந்தையில் நிலவும் கடும் போட்டி மற்றும் ஏற்றுமதி குறைவு இதற்கு முக்கிய காரணமாக அமைந்துள்ளது.
லாபத்தில் இடி!
Samsung India Electronics நிறுவனத்திற்கு இந்த நிதியாண்டு சவாலானதாக அமைந்திருக்கிறது. கடந்த நிதியாண்டில் ₹11,287.50 கோடியாக இருந்த நிறுவனம், இந்த முறை ₹7,228.10 கோடி என்ற அளவிற்கு லாபத்தை இழந்துள்ளது. நிறுவனத்தின் மொத்த வருவாய் 1.2% உயர்ந்து ₹1.12 லட்சம் கோடியாக இருந்தாலும், செயல்பாட்டுச் செலவுகள் அதிகரித்தது லாபத்தை கரைத்துவிட்டது.
மொபைல் சந்தையில் கடும் போட்டி
நிறுவனத்தின் மிகப்பெரிய வருவாய் ஆதாரமான மொபைல் போன் மற்றும் அக்சஸரீஸ் பிரிவு, 1.35% சரிவைச் சந்தித்து ₹81,472.2 கோடி வருவாயை மட்டுமே ஈட்டியுள்ளது. Xiaomi, Vivo போன்ற சீன பிராண்டுகளின் கடும் போட்டி ஒருபுறம், Apple நிறுவனத்தின் பிரீமியம் செக்மெண்ட் ஆதிக்கம் மறுபுறம் என சாம்சங் திணறி வருகிறது.
Appliances பிரிவில் ஏறுமுகம்
மொபைல் பிரிவு தடுமாறினாலும், ஹோம் அப்ளையன்சஸ் (Home Appliances) பிரிவு 3.52% வளர்ச்சியுடன் ₹12,240.60 கோடி வருவாயைப் பெற்றுள்ளது. டிவி மற்றும் சவுண்ட் பார் விற்பனை 8.5% உயர்ந்து ₹8,055.90 கோடியாக உள்ளது. உள்நாட்டு விற்பனை 9.34% வளர்ந்திருந்தாலும், ஏற்றுமதி 5.64% சரிந்து ₹41,068.60 கோடியாக குறைந்துள்ளது.
அதிகரிக்கும் செலவுகள்
நிறுவனத்தின் மொத்த செயல்பாட்டுச் செலவுகள் 3.54% அதிகரித்து ₹1.04 லட்சம் கோடியாக உயர்ந்துள்ளது. செலவைக் குறைக்க விளம்பர பட்ஜெட்டை 11.9% குறைத்து ₹3,850.50 கோடியாக நிர்ணயித்தாலும், தென்கொரிய தாய் நிறுவனத்திற்குச் செல்லும் ராயல்டி கட்டணம் 7.2% உயர்ந்து ₹3,474 கோடியாக அதிகரித்துள்ளது.