உணவுப் பொருட்களின் லேபிள்களில் 'per 100g' என்ற அடிப்படையில் எச்சரிக்கை லேபிள் ஒட்ட வேண்டும் என்ற FSSAI-ன் திட்டத்தை எதிர்த்து AIFPA சுப்ரீம் கோர்ட்டில் மனு தாக்கல் செய்துள்ளது. இந்த சட்டப் போராட்டம் செப்டம்பர் 10, 2026 அன்று விசாரணைக்கு வரவுள்ள நிலையில், FMCG நிறுவனங்களின் செயல்பாட்டு செலவு மற்றும் லாப வரம்புகளில் இது பெரிய தாக்கத்தை ஏற்படுத்தும் என முதலீட்டாளர்கள் கருதுகின்றனர்.
உணவுத் துறைக்கும் ஒழுங்குமுறை ஆணையத்திற்கும் இடையிலான சட்ட மோதல் உச்சக்கட்டத்தை எட்டியுள்ளது. செப்டம்பர் 10, 2026 அன்று நடைபெறவிருக்கும் சுப்ரீம் கோர்ட் விசாரணையை முன்னிட்டு, All-India Food Processors' Association (AIFPA) களமிறங்கியுள்ளது. Nestle, ITC மற்றும் Coca-Cola போன்ற ஜாம்பவான் நிறுவனங்களை உள்ளடக்கிய இந்த அமைப்பு, FSSAI கொண்டுவரத் துடிக்கும் 'front-of-pack labeling' (FOPL) முறைக்கு கடும் எதிர்ப்பு தெரிவிக்கிறது.
சர்ச்சையின் மையப்புள்ளி
FSSAI முன்மொழிந்திருக்கும் திட்டத்தின்படி, இனிப்பு, உப்பு அல்லது கொழுப்புச் சத்து அதிகம் உள்ள பொருட்கள் 'per 100-gram' அல்லது 'per 100-ml' அளவில் இருந்தால், பாக்கெட்டின் முன்புறம் சிவப்புக் நிற அறுகோண வடிவில் (red hexagonal warning) எச்சரிக்கை லேபிள் ஒட்டப்பட வேண்டும். ஆனால், இந்த முறை அறிவியல் பூர்வமானது அல்ல என தொழில் துறை வாதிடுகிறது. உதாரணத்திற்கு, மோர் போன்ற பானங்களுக்கு இது பொருந்தலாம், ஆனால் ஊறுகாய் போன்ற பொருட்களை மிகக் குறைந்த அளவே உண்போம். எனவே, 'per-serving' அடிப்படையில் கணக்கிட வேண்டும் என்பதே இவர்களின் கோரிக்கை.
முதலீட்டாளர்களுக்கு என்ன பாதிப்பு?
இந்த சட்டப்போராட்டத்தின் முடிவு FMCG துறையில் பெரும் தாக்கத்தை ஏற்படுத்தும். ஒருவேளை FSSAI-ன் விதிமுறை அமலானால், நிறுவனங்கள் தங்கள் தயாரிப்புகளின் பார்முலாவை (Product Reformulation) மாற்றி அமைக்க வேண்டிய கட்டாயம் ஏற்படும். இது R&D செலவுகளை கணிசமாக உயர்த்தும். பெரிய நிறுவனங்கள் இதை சமாளித்தாலும், குறைந்த லாப வரம்பில் இயங்கும் சிறு மற்றும் நடுத்தர நிறுவனங்களுக்கு (MSME) இது பெரும் நிதிச் சுமையை உண்டாக்கும்.
கோர்ட்டின் அடுத்த கட்ட நடவடிக்கை
பொது சுகாதாரம் கருதி இத்தகைய எச்சரிக்கைகள் அவசியம் என சுப்ரீம் கோர்ட் முன்னதாகவே வலியுறுத்தியிருந்தது. ஆனால், AIFPA-வின் இந்த அதிரடித் தலையீடு அமலாக்க காலக்கெடுவை தள்ளிப்போடலாம். வரும் விசாரணையில், லேபிளிங் அளவீட்டு முறை மாறுமா அல்லது காலதாமதம் ஏற்படுமா என்பதே அனைவரது எதிர்பார்ப்பும். இந்த நிறுவனங்களின் பங்குகளை வைத்திருக்கும் முதலீட்டாளர்கள், இதற்கான இறுதித் தீர்வை உன்னிப்பாக கவனித்து வருகின்றனர்.