கருங்கடல் பகுதிகளில் நிலவும் போக்குவரத்து சிக்கலால், ரஷ்யா தனது சன்ஃபிளவர் ஆயில் ஏற்றுமதியை சீனாவுக்கு திருப்பி விட்டுள்ளது. இதனால் இந்தியாவுக்கு வரும் சப்ளை குறைந்து, சமையல் எண்ணெய் விலை மற்றும் தட்டுப்பாடு குறித்த கவலைகள் எழுந்துள்ளன.
கருங்கடல் (Black Sea) துறைமுகங்களில் ஏற்பட்டுள்ள போர்க்கால பாதிப்புகள் மற்றும் போக்குவரத்து முடக்கத்தால், ரஷ்யா தனது ஏற்றுமதி உத்தியை மாற்றியுள்ளது. கடல் வழி போக்குவரத்துக்குப் பதிலாக, நில வழிப் பாதைகள் மூலம் சீன சந்தைக்கு எண்ணெய் கொண்டு செல்லப்படுகிறது. இதன் மூலம் சீனாவுக்கான ஏற்றுமதி இந்த நிதியாண்டில் 10 லட்சம் மெட்ரிக் டன் ஆக உயரும் என கணிக்கப்பட்டுள்ளது, இது முந்தைய அளவை விட இரண்டு மடங்காகும்.
இந்திய சந்தையில் பாதிப்பு என்ன?
இந்திய சந்தையைப் பொறுத்தவரை, ரஷ்யாவிலிருந்து இறக்குமதி செய்யப்படும் சன்ஃபிளவர் ஆயில் அளவு 15 லட்சம் டன்னிலிருந்து, 11 லட்சம் டன்னாக சரியக்கூடும் என மதிப்பிடப்பட்டுள்ளது. ரஷ்யாவில் இந்த ஆண்டு சன்ஃபிளவர் விதை உற்பத்தி 20 மில்லியன் டன் என்ற புதிய உச்சத்தை எட்டியிருந்தாலும், ஏற்றுமதி செய்ய முடியாத சூழலால் சுமார் 3 மில்லியன் டன் விதைகள் தேங்கியுள்ளன.
முதலீட்டாளர்கள் கவனிக்க வேண்டியவை:
இந்த சப்ளை தட்டுப்பாட்டால் இந்திய எண்ணெய் நிறுவனங்கள் Palm oil மற்றும் Soyoil போன்ற மாற்று வழிகளை நோக்கி நகர வேண்டிய கட்டாயத்தில் உள்ளன. இத்தகைய சூழல் இந்திய ரீஃபைனரி நிறுவனங்களின் லாப வரம்பில் (Profit Margin) அழுத்தத்தை உருவாக்கலாம். மூலப்பொருட்களை மாற்றும்போது ஏற்படும் கூடுதல் செலவுகள், சமையல் எண்ணெய் விலையில் ஏற்ற இறக்கத்தை ஏற்படுத்த வாய்ப்புள்ளது.
ஒடிசா (Odesa) பகுதியில் உள்ள முனையங்கள் சேதமடைந்திருப்பதும், சரக்கு போக்குவரத்தை மீட்டெடுப்பதில் உள்ள சிரமங்களும் இந்திய இறக்குமதியாளர்களுக்கு பெரிய சவாலாக மாறியுள்ளது. வரும் மாதங்களில், இறக்குமதி செலவுகள் எந்த அளவிற்கு நிலைபெறுகிறது என்பதைப் பொறுத்தே சில்லறை சந்தை விலை தீர்மானிக்கப்படும்.