அதிர்ச்சி! அமெரிக்க தடைகளை மீறி... இந்தியா ஈரான் எண்ணெய்க்கு இனி சீன யுவான்!

பணப் பரிவர்த்தனை எப்படி நடக்கிறது?

இந்திய சுத்திகரிப்பு நிறுவனங்கள் (Refiners) தற்போது சீன யுவான் மூலம் பணம் செலுத்தும் முறையை கையாண்டு வருகின்றன. ICICI வங்கியின் ஷாங்காய் கிளையின் வழியாக இந்த பரிவர்த்தனைகள் நடைபெறுவதாகவும், அங்கிருந்து விற்பனையாளர் கணக்குகளுக்கு பணம் அனுப்பப்படுவதாகவும் தகவல்கள் தெரிவிக்கின்றன.

அமெரிக்காவின் முக்கிய அறிவிப்பு

முன்னதாக, ரஷ்யா மற்றும் ஈரானிய எண்ணெயை வாங்க அனுமதித்திருந்த 30 நாள் சலுகைகளை (Waivers) அமெரிக்கா நிறுத்திக்கொள்வதாக அறிவித்திருந்தது. அமெரிக்க கருவூல செயலாளர் ஸ்காட் பெசென்ட் (Scott Bessent) இந்த சலுகைகள் புதுப்பிக்கப்படாது என்றும், குறிப்பாக ஈரான் எண்ணெய் சலுகை இந்த ஞாயிற்றுக்கிழமை காலாவதியாகிறது என்றும் கூறினார். உலகளாவிய எண்ணெய் விலையேற்றத்தைக் கட்டுப்படுத்தும் நோக்கில் இந்த நடவடிக்கை எடுக்கப்பட்டுள்ளது.

Reliance Industries-க்கு ஈரான் எண்ணெய்

இந்த பணப் பரிமாற்ற மாற்றங்களுக்கு மத்தியில், ஈரான் எண்ணெயைக் கொண்டு வரும் நான்கு கப்பல்களை இந்தியா அனுமதிக்கப்பட்டுள்ளது. Reliance Industries தான் இந்த கச்சா எண்ணெயை முக்கியமாகப் பெற்று வருகிறது. MT Felicity என்ற கப்பல் ஏற்கனவே தனது சரக்குகளை இறக்கிவிட்டதாகவும் தெரிவிக்கப்பட்டுள்ளது. இது இந்தியாவின் சுத்திகரிப்பு செயல்பாடுகளுக்குத் தேவையான முக்கிய கச்சா எண்ணெய் விநியோகத்தை உறுதி செய்கிறது.

இந்திய அமைச்சகத்தின் விளக்கம்

இது குறித்து இந்திய பெட்ரோலியம் மற்றும் இயற்கை எரிவாயு அமைச்சகம் (Ministry of Petroleum & Natural Gas) கூறுகையில், "இந்திய எண்ணெய் சந்தைப்படுத்தும் நிறுவனங்கள் (OMCs) சட்டப்பூர்வ கட்டமைப்புகளுக்குள் மட்டுமே செயல்படுகின்றன. நமது உள்நாட்டுத் தேவைகளைப் பூர்த்தி செய்வதே எங்களுக்கு முக்கியம். விதிமுறைகளுக்கு உட்பட்டு, எங்கள் OMCs செயல்படுகின்றன" என இணைச்செயலாளர் சுஜாதா ஷர்மா (Sujata Sharma) உறுதிப்படுத்தியுள்ளார்.

ஹோர்முஸ் ஜலசந்தி பதற்றம்

இந்த முன்னேற்றங்கள், இந்தியாவின் எரிசக்தி இறக்குமதிக்கு முக்கிய வழித்தடமான ஹோர்முஸ் ஜலசந்தியில் (Strait of Hormuz) நிலவும் புவிசார் அரசியல் பதற்றங்களுக்கு மத்தியில் நடைபெறுகிறது. மேலும், ஈரானும் கப்பல்களுக்கு பயணக் கட்டணம் வசூலிக்கலாம் என்று யோசனை தெரிவித்துள்ளதாகக் கூறப்படுகிறது. இது பிராந்திய ஸ்திரமின்மை மற்றும் எரிபொருள், எல்பிஜி விலைகளில் ஏற்படக்கூடிய தாக்கம் குறித்த கவலைகளை எழுப்பியுள்ளது.