US Federal Reserve வட்டி விகிதத்தை உயர்த்தலாம் என்ற எதிர்பார்ப்பு வலுத்துள்ளதால், தங்கம் மற்றும் வெள்ளி விலையில் கடும் சரிவு ஏற்பட்டுள்ளது.
அமெரிக்காவின் பணவியல் கொள்கை குறித்த கவலைகள் மீண்டும் முதலீட்டாளர்களை பதற்றமடையச் செய்துள்ளன. டிசம்பர் மாத கூட்டத்தில் வட்டி விகிதத்தை உயர்த்துவதற்கு 73% வாய்ப்பு இருப்பதாக சந்தை தரவுகள் காட்டுவதால், தங்கம் மற்றும் வெள்ளி மீதான முதலீடுகள் குறையத் தொடங்கியுள்ளன.
விலை நிலவரம் என்ன?
இந்தியாவின் Multi Commodity Exchange (MCX)-ல் தங்கம் பியூச்சர்ஸ் ₹1,39,168 (10 கிராம்) என்ற அளவிலும், வெள்ளி ₹1,80,255 (ஒரு கிலோ) என்ற அளவிலும் வர்த்தகமாகி வருகின்றன. சர்வதேச அளவில் Comex கோல்ட் விலை அவுன்ஸ் ஒன்றுக்கு $3,953.50 ஆகவும், வெள்ளி $50 என்ற நிலையிலும் உள்ளது.
ஏன் இந்த விலை வீழ்ச்சி?
தங்கம் மற்றும் வெள்ளி வட்டி வழங்காத சொத்துக்கள் (Non-yielding assets) என்பதால், வட்டி விகிதம் உயரும்போது முதலீட்டாளர்கள் US Treasury bonds போன்ற வட்டி தரும் பாதுகாப்பான முதலீடுகளை நோக்கி மாறுகின்றனர். தற்போது 10-year US Treasury yield விகிதம் 4.913% ஆக உயர்ந்துள்ளது. மேலும், அமெரிக்க டாலரின் மதிப்பு வலுப்பெற்றுள்ளதும், டாலரில் விலை நிர்ணயம் செய்யப்படும் உலோகங்களுக்கு அழுத்தத்தை கொடுத்துள்ளது.
கவனிக்க வேண்டிய சப்போர்ட் லெவல்கள்
தங்கம் தற்போது ₹1,38,640 என்ற நிலையில் உடனடி சப்போர்ட் கொண்டுள்ளது. இதைத் தாண்டினால் அடுத்த கட்டமாக ₹1,37,090 என்ற லெவலைத் தேடும். மீண்டும் காளையர்களின் (Buyers) கையில் மார்க்கெட் வர வேண்டுமானால், விலை ₹1,41,130 என்ற எல்லையைத் தாண்ட வேண்டியது அவசியம்.
வெள்ளியைப் பொறுத்தவரை, ₹1,81,100 என்ற முக்கிய சப்போர்ட் லெவல் உடைக்கப்பட்டுள்ளது. இனி ₹1,78,420 தான் அதன் அடுத்த முக்கிய இலக்காக இருக்கும். வரும் நாட்களில் வெளியாகவிருக்கும் அமெரிக்க வேலைவாய்ப்புத் தரவுகள் (US Labor Market Data) சந்தையின் அடுத்த கட்ட போக்கை தீர்மானிக்கும்.