Sharda Cropchem Share: முதலீட்டாளர்களுக்கு குஷி நியூஸ்! லாபம் **366%** உச்சம், வருவாய் **39%** அதிரடி உயர்வு!

Sharda Cropchem Limited, இந்த Q3 FY26 காலாண்டில், அதன் நிதிநிலை அறிக்கையில் மிகச்சிறந்த வளர்ச்சியை பதிவு செய்துள்ளது.

மொத்த வருவாய் (Revenue) கடந்த ஆண்டை ஒப்பிடுகையில் 39% அதிகரித்து ₹1,289 கோடியாக உயர்ந்துள்ளது. இதன் முக்கிய உந்துசக்தியாக, அக்ரோகெமிக்கல் வணிகம் 48% வலுவான வளர்ச்சியைப் பதிவு செய்துள்ளது. ஆனால், மற்ற பிரிவுகள் 8.1% சரிவைக் கண்டுள்ளன.

EBITDA 59% வளர்ந்து ₹246 கோடியை எட்டியுள்ளது. EBITDA margin 19.1% ஆக பதிவாகியுள்ளது. GROSS MARGINS 34.9% ஆக உயர்ந்துள்ளது.

இதன் விளைவாக, நிகர லாபம் (PAT) 366% என்ற மாபெரும் உயர்வைக் கண்டு, ₹145 கோடியாக பதிவாகியுள்ளது. இது நிறுவனத்தின் வரலாற்றிலேயே 9 மாதங்களில் (9M FY26) ஈட்டிய மிக உயர்ந்த ஆண்டு லாபம் ஆகும். நிறுவனத்தின் வால்யூம் க்ரோத்தும் 14% ஆக ஆரோக்கியமாக உள்ளது.

நிறுவனம் ₹6 என்ற இடைக்கால டிவிடெண்டையும் அறிவித்துள்ளது.

மேலும், இந்நிறுவனம் எந்தவிதமான கடனும் இன்றி (Net Debt-Free) செயல்பட்டு வருகிறது. டிசம்பர் 31, 2025 நிலவரப்படி, நிறுவனத்திடம் ₹826 கோடி ரொக்கம் மற்றும் வங்கி முதலீடுகளாக உள்ளன. இது அதன் நிதி வலிமையைக் காட்டுகிறது. Working Capital Days 70 நாட்களாக மேம்பட்டுள்ளது.

நிறுவனத்தின் நிர்வாகம், வரும் நிதியாண்டுகளிலும் (FY27) இதே வேகமான வளர்ச்சியைத் தொடரும் என நம்பிக்கை தெரிவித்துள்ளது. FY27-க்கு 15-20% வருவாய் வளர்ச்சியை எதிர்பார்க்கிறார்கள். மேலும், FY26-க்கான EBITDA margin வழிகாட்டுதலான 18-20% அளவை, FY27-லும் தக்கவைத்துக் கொள்வோம் எனவும் கூறியுள்ளனர்.

எனினும், உலகளவில் ப்ராடக்ட் ரெஜிஸ்ட்ரேஷன் (Product Registration) செயல்முறைகளில் ஏற்படும் தாமதங்கள் அல்லது சிக்கல்கள் ஒரு சவாலாக இருக்கலாம் என்றும் நிர்வாகம் சுட்டிக்காட்டியுள்ளது. ஆனால், 3,004 ரெஜிஸ்ட்ரேஷன்கள் மற்றும் 1,076 விண்ணப்பங்கள் நிலுவையில் உள்ளதால், அக்ரோகெமிக்கல் துறைக்கான எதிர்கால வாய்ப்புகள் பிரகாசமாக உள்ளன என்றும் கூறியுள்ளனர்.