இனி இந்திய முதலீட்டாளர்கள் எளிதாக அமெரிக்க பங்குகள் மற்றும் ETF-களில் முதலீடு செய்யலாம். Zerodha தனது Kite பிளாட்ஃபார்மில் GIFT City வழியாக இந்த புதிய வசதியை பீட்டா (Beta) முறையில் அறிமுகப்படுத்தியுள்ளது.
இந்திய முதலீட்டாளர்கள் நீண்டகால முதலீடுகளுக்காக அமெரிக்க சந்தையில் நுழைவதை எளிதாக்க, Zerodha தனது Kite ஆப்பில் புதிய வசதியை கொண்டு வந்துள்ளது. GIFT City-யில் உள்ள India INX மூலம் இந்த வர்த்தகம் நடைபெறுவதால், தனியாக வெளிநாட்டு கணக்குகள் ஏதும் தேவையில்லை. ஒரே தளத்தில் உள்நாட்டு மற்றும் சர்வதேச பங்குகளை நிர்வகிக்கும் வசதி கிடைக்கிறது.
முதலீடு செய்வது எப்படி?
சுமார் 2,000 அமெரிக்க பங்குகள் மற்றும் 1,000 ETF-களை இதில் முதலீடு செய்யலாம். மிக முக்கியமான விஷயம் என்னவென்றால், $1 முதலீடு இருந்தால் கூட நீங்கள் பங்குகளை வாங்கலாம் (Fractional shares). ஆனால், இது நீண்டகால முதலீட்டிற்கு மட்டுமே; இன்ட்ராடே (Intraday) வர்த்தகத்திற்கோ அல்லது F&O-க்கோ இதில் அனுமதி இல்லை.
கவனிக்க வேண்டிய கட்டணங்கள் & விதிகள்
ரிசர்வ் வங்கியின் (RBI) Liberalised Remittance Scheme (LRS) விதிகளின்படி, ஒரு நிதியாண்டிற்கு அதிகபட்சமாக $2,50,000 வரை மட்டுமே வெளிநாட்டில் முதலீடு செய்ய முடியும். Zerodha ஒவ்வொரு பரிவர்த்தனைக்கும் 0.1% புரோக்கரேஜ் கட்டணமாக வசூலிக்கிறது (குறைந்தது $0.01 முதல் அதிகபட்சம் $10 வரை).
இதோடு நீங்கள் கரன்சி கன்வெர்ஷன் (Currency conversion) கட்டணம், GST, India INX டர்ன்ஓவர் கட்டணம் மற்றும் அமெரிக்காவின் SEC/FINRA போன்ற ஒழுங்குமுறை அமைப்புகளின் கட்டணங்களையும் கணக்கில் கொள்ள வேண்டும். வெளிநாட்டு பணப்பரிமாற்றத்திற்கு பொருந்தக்கூடிய வரி (TCS) விதிகளையும் முதலீட்டாளர்கள் கவனத்தில் கொள்ள வேண்டும்.
முதலீட்டாளர்களுக்கு ஒரு முக்கிய குறிப்பு
தற்போது இந்த வசதி இந்திய குடியிருப்பாளர்களுக்கு மட்டுமே (Beta phase) கிடைக்கிறது. டாலருக்கு எதிரான ரூபாய் மதிப்பு மாறுபடும்போது, உங்கள் முதலீட்டு வருமானத்தில் லாபமோ அல்லது நஷ்டமோ ஏற்பட வாய்ப்புள்ளது. ஆதார் கார்டு மூலம் ஆன்லைனில் எளிதாக இந்த வசதியை நீங்கள் ஆக்டிவேட் செய்து கொள்ளலாம்.