Waaree Energies நிறுவனத்தின் வளர்ச்சியைப் பார்த்து Prabhudas Lilladher நிறுவனம் பாசிட்டிவான ரிப்போர்ட்டை வெளியிட்டுள்ளது. பேட்டரி மற்றும் இன்வெர்ட்டர் உற்பத்தியில் நிறுவனம் இறங்கியிருப்பது முதலீட்டாளர்களின் கவனத்தை ஈர்த்துள்ளது.
வளர்ச்சிக்கான புதிய பாதைகள்
சோலார் மாட்யூல் தயாரிப்பில் முன்னணியில் உள்ள Waaree Energies, இப்போது தனது தொழிலை விஸ்தரிக்கத் தொடங்கியுள்ளது. Prabhudas Lilladher கணிப்புப்படி, நிறுவனம் 2029-ம் ஆண்டு வரை சீரான நிதி வளர்ச்சியை எட்டும் என எதிர்பார்க்கப்படுகிறது. குறிப்பாக, பேட்டரி எனர்ஜி ஸ்டோரேஜ் சிஸ்டம் (BESS) மற்றும் இன்வெர்ட்டர் உற்பத்தியில் நிறுவனம் செலுத்தும் கவனம் வருவாயை உயர்த்தித் தரும் என நம்பப்படுகிறது.
அடுத்த கட்ட திட்டம் என்ன?
கடந்த ஜூலையிலேயே நிறுவனம் தனது 5.15 GWh திறன் கொண்ட பேட்டரி ஸ்டோரேஜ் மையத்தை தொடங்கிவிட்டது. அடுத்தக்கட்டமாக, டிசம்பர் 2026-க்குள் 4 GW திறன் கொண்ட செல் மேனுஃபேக்ச்சரிங் யூனிட்டை முழுமையாக செயல்பாட்டிற்கு கொண்டு வர தீவிரமாக செயல்பட்டு வருகிறது. இது சப்ளையர்களிடம் இருந்து வரும் தேவையை குறைத்து, நிறுவனத்தின் சொந்த உற்பத்தித் திறனை பலப்படுத்தும்.
பிற பிரிவுகளின் பங்களிப்பு
இன்வெர்ட்டர் சந்தையிலும் நிறுவனம் கால் பதித்துள்ளது. தற்போதுள்ள 4 GW உற்பத்தித் திறனில் சுமார் 58% மட்டுமே பயன்பாட்டில் உள்ளது, இதை டிசம்பர் 2026-க்குள் 5,000 யூனிட்டுகளாக உயர்த்த நிர்வாகம் திட்டமிட்டுள்ளது. மேலும், இதன் சப்ஸிடியரியான Waaree Power, வாகனத்துறை, மருத்துவம் மற்றும் டிஃபென்ஸ் துறைக்குத் தேவையான பிரிண்டட் சர்க்யூட் போர்டு (PCB) அசெம்பிளி சந்தையிலும் நுழைகிறது.
நிதி கணிப்புகள் மற்றும் ரிஸ்க்
ப்ரோக்கரேஜ் நிறுவனத்தின் தரவுகளின்படி:
- வருவாய் வளர்ச்சி: 22.5%
- ஆப்பரேட்டிங் லாபம்: 16.4%
- நெட் ப்ராஃபிட்: 8.9%
என 2029-ம் ஆண்டு வரை வளர்ச்சி இருக்கும் என கணிக்கப்பட்டுள்ளது. அதே சமயம், மூலப்பொருள் விலை மாற்றம், கடுமையான போட்டி மற்றும் பெரிய அளவிலான புராஜெக்ட் பணிகளை குறித்த நேரத்தில் முடிப்பதில் உள்ள சவால்கள் போன்றவற்றையும் முதலீட்டாளர்கள் கவனத்தில் கொள்ள வேண்டும். குறிப்பாக 4 GW செல் மேனுஃபேக்ச்சரிங் பிளான்ட் குறித்த அறிவிப்புகளை முதலீட்டாளர்கள் உன்னிப்பாக கவனிக்க வேண்டும்.