Solar Industries நிறுவனத்தின் வளர்ச்சியை கண்டு, பிரபல புரோக்கரேஜ் நிறுவனமான Prabhudas Lilladher 'Buy' ரேட்டிங் கொடுத்துள்ளது. இந்த நிறுவனத்தின் ஷேர் விலை வரும் காலங்களில் **₹23,124** ஐ தொட வாய்ப்புள்ளதாக கணித்துள்ளது.
பிரபல புரோக்கரேஜ் நிறுவனமான Prabhudas Lilladher, Solar Industries இந்தியா நிறுவனத்தின் பங்குகளை வாங்கலாம் என பரிந்துரைத்துள்ளது. கடந்த காலங்களில் வெடிபொருள் தயாரிப்பில் மட்டுமே கவனம் செலுத்தி வந்த இந்த நிறுவனம், தற்போது டிஃபன்ஸ் துறையில் ஏவுகணைகள் (Missile systems) மற்றும் ட்ரோன் (Loitering munitions) தயாரிப்பில் மாஸ் காட்டி வருகிறது.
வளர்ச்சிப் பாதை எப்படி இருக்கும்?
நிதி ஆண்டு 2029 வரை இந்த நிறுவனம் சுமார் 28% வருவாய் வளர்ச்சியை எட்டும் என எதிர்பார்க்கப்படுகிறது. இந்தியாவின் உள்நாட்டுத் தேவையைப் பூர்த்தி செய்யும் அதே நேரத்தில், சுமார் 10 நாடுகளில் தனது தடத்தைப் பதித்துள்ளதால், சர்வதேச சந்தையிலும் வலுவான நிலையில் உள்ளது. தற்போது உள்நாட்டு வெடிபொருள் சந்தையில் 26% பங்குகளை இந்நிறுவனம் தன் வசம் வைத்துள்ளது குறிப்பிடத்தக்கது.
கவனிக்க வேண்டிய ரிஸ்க் (Risks)
நிபுணர்கள் பங்கு விலையை 62x என்ற P/E மல்டிபிளில் கணக்கிட்டுள்ளனர். அதாவது, நீண்ட கால வளர்ச்சியை மார்க்கெட் ஏற்கனவே கணக்கில் கொண்டுவிட்டது. அதேசமயம், வெடிபொருள் தயாரிப்புக்குத் தேவையான மூலப்பொருட்களான அமோனியம் நைட்ரேட் விலை மாற்றம் மற்றும் நீண்ட கால டிஃபன்ஸ் புராஜெக்ட்ஸ்களில் ஏற்படும் காலதாமதம் ஆகியவை லாபத்தை பாதிக்கலாம். எனவே, முதலீட்டாளர்கள் ஆர்டர் புக் நிலவரத்தை தொடர்ந்து கண்காணிப்பது அவசியம்.