Petronet LNG நிறுவனத்தின் பங்கிற்கு Nomura நிறுவனம் **'Buy'** ரேட்டிங் கொடுத்துள்ளது. கொச்சி டெர்மினலின் செயல்பாட்டு திறன் அதிகரிப்பு மற்றும் புதிய பைப்லைன் திட்டங்கள் மூலம் பங்கு விலை **₹345** ஐ எட்டும் என கணிக்கப்பட்டுள்ளது.
பிரபல புரோக்கரேஜ் நிறுவனமான Nomura, Petronet LNG நிறுவனத்தின் பங்குகள் மீது நம்பிக்கை தெரிவித்துள்ளது. தற்போதுள்ள ₹345 என்ற டார்கெட் விலையை அப்படியே தொடர்வதாக அறிவித்துள்ளது. குறிப்பாக, நீண்ட நாட்களாகச் செயல்பாட்டில் சவால்களை சந்தித்து வந்த கொச்சி ரீ-கேசிஃபிகேஷன் டெர்மினல், இனி நிறுவனத்திற்கு பெரிய லாபத்தை ஈட்டித் தரும் என எதிர்பார்க்கப்படுகிறது. தற்போது இந்த ஆலை தனது 5 MMTPA கொள்ளளவில் 25% மட்டுமே இயங்கி வருகிறது. ஆனால், புதிய உள்கட்டமைப்பு பணிகள் முடிந்ததும் இந்த நிலை முற்றிலும் மாறும் என்கின்றனர் சந்தை நிபுணர்கள்.
பைப்லைன் இணைப்பு மற்றும் எதிர்கால திட்டம்
முதலீட்டாளர்களின் முக்கிய கவனமானது 891 கி.மீ நீளம் கொண்ட கொச்சி-மங்களூரு-பெங்களூரு பைப்லைன் திட்டத்தின் மீது உள்ளது. இந்தத் திட்டம் மார்ச் 2027-க்குள் முழுமையாக முடிவடையும் என எதிர்பார்க்கப்படுகிறது. இது கொச்சியில் இருந்து கேஸ் விநியோகத்தை விரிவுபடுத்த உதவும். மேலும், தூத்துக்குடிக்கு புதிய பைப்லைன் அமைக்கும் பணிகளும் ஆரம்பக்கட்டத்தில் உள்ளன.
சிறப்புச் சேவைகளில் அபரிமிதமான வளர்ச்சி
கேஸ் சப்ளையைத் தாண்டி, Petronet LNG நிறுவனம் 'Gas-up/Cool-down' (GUCD) சேவைகளில் வேகமாக வளர்ந்து வருகிறது. முன்னதாக சிங்கப்பூர் வசமிருந்த இந்த சந்தையை, தற்போது இந்தியா தன்வசப்படுத்தியுள்ளது. புதிய தொழில்நுட்ப மாற்றங்களால், இந்தச் சேவைகளை முடிக்கும் நேரம் 65% வரை குறைந்து, தற்போது 1 முதல் 1.5 நாட்கள் மட்டுமே ஆகிறது.
Dahej டெர்மினல் மற்றும் சவால்கள்
நிறுவனத்தின் முதுகெலும்பாக Dahej டெர்மினல் உள்ளது. அதன் 22.5 mtpa கொள்ளளவு ஜூலை முதல் ஆகஸ்ட் வரை 72% பயன்பாட்டில் இருந்தது. இருப்பினும், உலகளாவிய கேஸ் விலை மாற்றம் (Price Volatility) மற்றும் இந்தியாவில் உள்கட்டமைப்பு பணிகளில் ஏற்படக்கூடிய தாமதங்கள் முதலீட்டாளர்கள் கவனிக்க வேண்டிய ரிஸ்க்குகளாக உள்ளன.