இந்தியாவின் மின்னணு உற்பத்தி (EMS) துறைக்கு Motilal Oswal மிகுந்த நம்பிக்கையை வெளிப்படுத்தியுள்ளது. 2028-ஆம் நிதியாண்டு வரை இந்த துறை பெரும் வளர்ச்சியை எட்டும் என கணிக்கப்பட்டுள்ள நிலையில், 6 முன்னணி பங்குகளுக்கு 'Buy' இலக்கையும் நிர்ணயித்துள்ளது.
இந்தியாவின் மின்னணு உற்பத்தி (EMS) துறை தற்போது ஒரு மிகச்சிறந்த வளர்ச்சிப் பாதையில் பயணிக்கிறது. Motilal Oswal ஆய்வின்படி, 2026 முதல் 2028-ஆம் நிதியாண்டு வரை, இந்தத் துறை சார்ந்த நிறுவனங்கள் வருவாயில் 32%, EBITDA-வில் 37%, மற்றும் லாபத்தில் 46% என மிகப்பெரிய CAGR வளர்ச்சியைப் பதிவு செய்யும் என எதிர்பார்க்கப்படுகிறது.
இந்த வளர்ச்சிக்கு முக்கிய காரணம், உள்நாட்டு உற்பத்தியை ஊக்குவிக்கும் அரசின் PLI திட்டங்கள் மற்றும் நிறுவனங்கள் மேற்கொண்டு வரும் கூடுதல் உற்பத்தித் திறன் விரிவாக்கங்களாகும்.
Buy இலக்குகள் (Target Prices)
Motilal Oswal தனது சமீபத்திய அறிக்கையில் கீழ்க்கண்ட 6 பங்குகளுக்கு 'Buy' ரேட்டிங் கொடுத்துள்ளது:
- Dixon Technologies: இலக்கு விலை ₹16,100
- Amber Enterprises: இலக்கு விலை ₹8,250
- Kaynes Technology: இலக்கு விலை ₹5,000
- Avalon Technologies: இலக்கு விலை ₹2,740
- Syrma SGS Technology: இலக்கு விலை ₹2,000
- Cyient DLM: இலக்கு விலை ₹1,030
அதே சமயம், Data Patterns India நிறுவனத்திற்கு 'Neutral' என்ற குறியீட்டை வழங்கி ₹4,000 என்ற டார்கெட்டை நிர்ணயித்துள்ளது. ஒவ்வொரு நிறுவனத்தின் தயாரிப்பு கலவை மற்றும் செயல்பாட்டுத் திறனைப் பொறுத்தே இந்த ஏற்ற இறக்கங்கள் அமையும் என்பதை கவனத்தில் கொள்ள வேண்டும்.
முதலீட்டாளர்கள் கவனிக்க வேண்டியவை
இந்தத் துறை வளர்ச்சிப் பாதையில் இருந்தாலும், சில சவால்கள் உள்ளன. மின்னணு உற்பத்தி நிறுவனங்கள் குறைந்த லாப வரம்பில் (Profit Margin) அதிக அளவில் வர்த்தகம் செய்பவை. எனவே, சிறிய தாமதங்கள் அல்லது கூடுதல் செலவுகள் ஏற்பட்டாலும், அது நேரடியாக நிறுவனத்தின் quarterly ரிசல்ட்டைப் பாதிக்கும்.
நிறுவனங்கள் தற்போது பெரிய அளவில் முதலீடு (CapEx) செய்து வருவதால், அந்த முதலீடுகள் சரியான வருவாயைத் தருகிறதா என்பதையும், கடன் அளவு கட்டுப்பாட்டில் இருக்கிறதா என்பதையும் முதலீட்டாளர்கள் உன்னிப்பாக கவனிக்க வேண்டும்.