இந்திய பாதுகாப்பு துறை பங்குகள் மீது Kotak Securities புதிய கணிப்புகளை வெளியிட்டுள்ளது. இதில், HAL பங்கிற்கு 'ADD' ரேட்டிங் கொடுத்தும், Mazagon Dock மற்றும் Solar Industries பங்குகளை 'SELL' என downgarde செய்துள்ளது.
பாதுகாப்பு துறை மீது Kotak Securities பார்வை:
இந்திய பாதுகாப்பு துறையின் எதிர்காலம் பிரகாசமாக இருந்தாலும், தற்போதுள்ள பங்குகளின் விலை (Valuation) அதிகமாக இருப்பதாக Kotak Securities எச்சரித்துள்ளது. இருப்பினும், தேர்ந்தெடுக்கப்பட்ட பங்குகளில் முதலீடு செய்யலாம் என கூறியுள்ளது.
HAL-க்கு 'ADD' ரேட்டிங்:
குறிப்பாக, Hindustan Aeronautics Ltd (HAL) பங்குக்கு 'ADD' ரேட்டிங் வழங்கப்பட்டுள்ளது. இதன் நியாயமான விலை (Fair Value) ₹4,810 என நிர்ணயிக்கப்பட்டுள்ளது. இந்திய ராணுவத்தின் நவீனமயமாக்கல் மற்றும் உள்நாட்டு உற்பத்தியில் HAL-ன் பங்கு முக்கியமானது என Kotak Securities தெரிவித்துள்ளது.
Mazagon Dock, Solar Industries-க்கு 'SELL' ரேட்டிங்:
மாறாக, Mazagon Dock Shipbuilders மற்றும் Solar Industries ஆகிய பங்குகளுக்கு 'SELL' ரேட்டிங் கொடுக்கப்பட்டுள்ளது. Mazagon Dock-ன் நியாயமான விலை ₹1,950 எனவும், Solar Industries-ன் விலை ₹10,300 எனவும் நிர்ணயிக்கப்பட்டுள்ளது.
Bharat Electronics Ltd (BEL) பங்குக்கு 'REDUCE' ரேட்டிங்கும், Garden Reach Shipbuilders & Engineers Ltd (GRSE) பங்குக்கு 'SELL' ரேட்டிங்கும் வழங்கப்பட்டுள்ளது.
துறை வளர்ச்சி மற்றும் விலை வித்தியாசம்:
உள்நாட்டு உற்பத்தி மற்றும் அரசின் அதிக செலவினங்கள் காரணமாக பாதுகாப்பு துறை வளர்ச்சி அடைந்து வருகிறது. அடுத்த 5 ஆண்டுகளில் (FY26-FY30) பாதுகாப்பு துறை சார்ந்த செலவினங்கள் (Capex) ஆண்டுக்கு சராசரியாக 11% வளரும் என எதிர்பார்க்கப்படுகிறது. உள்நாட்டு கொள்முதல் பங்கு 54% லிருந்து 70% ஆக உயரும் என்றும், எதிர்கால ஆர்டர்களின் மதிப்பு ₹9.3 லட்சம் கோடியை எட்டும் என்றும் கணிக்கப்பட்டுள்ளது.
ஆனால், இந்திய பாதுகாப்பு துறை பங்குகளின் P/E விகிதம் தற்போது 50x ஆக உள்ளது. இது உலகளாவிய சராசரியான 28x ஐ விட மிக அதிகம். இந்த விலை வித்தியாசம் தான் சில பங்குகள் மீது எச்சரிக்கையுடன் இருக்க Kotak Securities காரணம் கூறியுள்ளது.
ஏற்றுமதி இலக்குகள் மற்றும் புதிய தொழில்நுட்பங்கள்:
கடந்த 10 ஆண்டுகளில் பாதுகாப்பு துறை ஏற்றுமதி 50 மடங்கு அதிகரித்துள்ளது. 2029 ஆம் ஆண்டிற்குள் ஏற்றுமதி மூலம் ₹50,000 கோடி வருவாய் ஈட்ட இலக்கு நிர்ணயிக்கப்பட்டுள்ளது. டிரோன்கள் போன்ற புதிய தொழில்நுட்பங்களில் அடுத்த 10 ஆண்டுகளில் $25-30 பில்லியன் முதலீடு செய்யப்பட உள்ளது. மேலும், டிரோன் எதிர்ப்பு அமைப்புகளுக்கு $4-5 பில்லியன் ஒதுக்கப்படும்.
முதலீட்டாளர்கள் இந்த ஆர்டர்களின் செயலாக்கம் மற்றும் லாப வரம்புகளை கவனமாக கண்காணிக்க வேண்டும்.