மெடிக்கல் டெக்னாலஜி துறையில் உள்ள Molbio Diagnostics நிறுவனம் மீது Jefferies நிறுவனம் தனது ஆய்வு அறிக்கையை தொடங்கியுள்ளது. இவர்களின் Truenat பிளாட்ஃபார்ம் மற்றும் டிஜிட்டல் பேதாலஜி கருவிகள் மூலம் நிறுவனம் வரும் காலங்களில் பெரும் வளர்ச்சியடையும் என கணிக்கப்பட்டுள்ளது.
வளர்ச்சிப் பாதை எப்படி இருக்கும்?
Jefferies-ன் கணிப்புப்படி, 2026 முதல் 2029 வரையிலான காலகட்டத்தில், நிறுவனத்தின் வருவாய் 22% என்ற அளவில் உயரும் என்று எதிர்பார்க்கப்படுகிறது. அதேபோல், வரிக்கு பிந்தைய லாபம் (Profit After Tax) 47% என்ற அபார வளர்ச்சியை எட்டும் என கணிக்கப்பட்டுள்ளது. லாப வரம்புகளைப் (Profit Margins) பொறுத்தவரை, சுமார் 830 பேசிஸ் பாயிண்ட்ஸ் அளவிற்கு முன்னேற்றம் ஏற்படும் என எதிர்பார்க்கப்படுகிறது.
பிசினஸ் மாடல் மாற்றம்
தற்போது Molbio Diagnostics நிறுவனம், வெறும் மாலிகுலர் டயக்னாஸ்டிக்ஸ் (Molecular Diagnostics) எனும் ஒற்றை அடையாளத்திலிருந்து மாறி, ஹெல்த்-டெக் மற்றும் டிஜிட்டல் பேதாலஜி என தனது தொழிலை விரிவுபடுத்தி வருகிறது. குறிப்பாக, இவர்களின் Optrascan டிஜிட்டல் பேதாலஜி பிரிவு, 2029-க்குள் நிறுவனத்தின் மொத்த விற்பனையில் 11% பங்களிப்பை வழங்கும் என எதிர்பார்க்கப்படுகிறது. மேலும், இந்தியா மற்றும் சர்வதேச அளவில் இவர்கள் வைத்துள்ள காப்புரிமைகள் (Patents) இவர்களின் வளர்ச்சிக்கு வலு சேர்க்கும்.
முதலீட்டாளர்கள் கவனத்திற்கு!
முக்கியமாக, Molbio Diagnostics ஒரு பிரைவேட் கம்பெனி. இது இன்னும் NSE அல்லது BSE போன்ற பங்குச் சந்தைகளில் லிஸ்ட் ஆகவில்லை. எனவே, அன்லிஸ்டட் ஷேர்களை வாங்குவதில் உள்ள லிக்விடிட்டி (Liquidity) சிக்கல்கள் மற்றும் ஒழுங்குமுறை கட்டுப்பாடுகள் குறைவாக இருப்பதை முதலீட்டாளர்கள் கட்டாயம் கவனத்தில் கொள்ள வேண்டும். இந்த டார்கெட் விலைகள் அனைத்தும் நிறுவனத்தின் எதிர்கால திறனை அடிப்படையாகக் கொண்டதே தவிர, பொதுப் பங்குச் சந்தை நிலவரப்படி அல்ல.