இந்தியாவின் அடுத்தகட்ட தொழில்துறை வளர்ச்சிக்கு வித்திடப்போகும் 6 முக்கிய துறைகளை Jefferies அடையாளம் கண்டுள்ளது. இதில் விண்வெளி, செமி கண்டக்டர் மற்றும் டேட்டா சென்டர்கள் முன்னணியில் உள்ளன.
உலகளாவிய ப்ரோக்கரேஜ் நிறுவனமான Jefferies, இந்தியாவின் அடுத்தகட்ட வளர்ச்சிப் பாதையை மையமாக வைத்து 'India's New Industrial Revolution' என்ற பெயரில் ஒரு முக்கிய அறிக்கையை வெளியிட்டுள்ளது. வெறும் அசம்பிளி செய்வதை தாண்டி, உயர்தர மேனுஃபேக்ச்சரிங் மையமாக இந்தியா உருவெடுப்பதற்கான வாய்ப்புகளை இது விளக்குகிறது.
வளர்ச்சிக்கு வித்திடும் 6 துறைகள்
இந்த பட்டியலில் விண்வெளி (Space), செமி கண்டக்டர், டேட்டா சென்டர்கள், எலக்ட்ரானிக்ஸ், சோலார் மற்றும் ஏரோஸ்பேஸ் ஆகியவை இடம்பெற்றுள்ளன. குறிப்பாக, விண்வெளி துறையில் தனியார் பங்களிப்பு அதிகரிக்கப்படுவதால், 2030-ம் ஆண்டுக்குள் இந்த துறையின் மதிப்பு $45 பில்லியன் ஆக உயரும் என கணிக்கப்பட்டுள்ளது. மேலும், 10GW கொள்ளளவு கொண்ட டேட்டா சென்டர்கள் உருவாக்கமும், செமி கண்டக்டர் திட்டங்களும் நாட்டின் உற்பத்தி திறனை அடுத்த நிலைக்கு எடுத்துச் செல்லும்.
முதலீட்டாளர்கள் கவனிக்க வேண்டிய சவால்கள்
நீண்ட கால அடிப்படையில் இந்த வாய்ப்புகள் பிரகாசமாக இருந்தாலும், தற்போதைய சந்தை சூழலில் சில சவால்களும் உள்ளன. இந்திய சந்தைகளின் Valuation தற்போதைக்கு சற்று அதிகமாகவே உள்ளது. மேலும், புதிய ஐபிஓ (IPO) வருகை மற்றும் அரசாங்கத்தின் பங்குகளை விற்கும் திட்டங்கள் (Disinvestment) காரணமாக, சந்தையில் ஈக்விட்டி சப்ளை அதிகரித்து, தற்காலிக சரிவுகள் ஏற்பட வாய்ப்புள்ளது.
ஜிடிபி (GDP) வளர்ச்சி எதிர்பார்ப்புகளை எட்டாத பட்சத்தில் நிதிச்சுமை ஏற்படலாம். எனவே, இந்த துறைகளில் உள்ள கம்பெனிகள் எப்படி தங்களின் கடனை நிர்வகிக்கின்றன மற்றும் லாபத்தை (Margins) தக்கவைக்கின்றன என்பதை முதலீட்டாளர்கள் தொடர்ந்து கண்காணிப்பது அவசியம்.