செப்டம்பர் காலாண்டு முடிவுகளைத் தொடர்ந்து, IHCL, Vishal Mega Mart மற்றும் Mahindra & Mahindra Financial Services ஆகிய நிறுவனங்களுக்கான டார்கெட் விலையை HDFC Securities மாற்றியமைத்துள்ளது.
செப்டம்பர் மாத காலாண்டு முடிவுகள் வெளியானதைத் தொடர்ந்து, முன்னனி புரோக்கரேஜ் நிறுவனமான HDFC Securities மூன்று முக்கிய நிறுவனங்களின் பங்குகள் குறித்த தனது பார்வையை மாற்றியுள்ளது. நிறுவனங்களின் லாப வரம்பு மற்றும் சந்தை நிலவரத்தை பொறுத்து இந்த மாற்றங்கள் செய்யப்பட்டுள்ளன.
Indian Hotels Company Ltd (IHCL)
சுற்றுலா மற்றும் பயணத் துறையில் நிலவும் வலுவான டிமாண்ட் காரணமாக, IHCL பங்கின் டார்கெட் விலை ₹801-லிருந்து ₹838 ஆக உயர்த்தப்பட்டுள்ளது. ஹோட்டல் அறைகளின் ஆக்கிரமிப்பு மற்றும் வாடகை உயர்வு போன்றவை இதற்கு முக்கிய காரணமாக பார்க்கப்படுகிறது.
Vishal Mega Mart
சில்லறை வர்த்தகத் துறையில் நிலவும் கடும் போட்டி மற்றும் செயல்பாட்டுச் செலவுகள் காரணமாக, Vishal Mega Mart நிறுவனத்தின் டார்கெட் விலை ₹140-லிருந்து ₹135 ஆகக் குறைக்கப்பட்டுள்ளது. லாப வரம்பில் (Profit Margin) ஏற்பட்டுள்ள அழுத்தமே இந்த சரிவுக்கு முக்கிய காரணம்.
Mahindra & Mahindra Financial Services
இந்த நிறுவனத்தைப் பொறுத்தவரை HDFC Securities தனது முந்தைய மதிப்பீட்டிலேயே உறுதியாக உள்ளது. டார்கெட் விலை ₹400 ஆகத் தொடர்கிறது. கிராமப்புற கடன் மற்றும் கடன் வளர்ச்சி சீராக இருந்தாலும், அசெட் குவாலிட்டி (Asset Quality) மற்றும் கடன் திருப்பிச் செலுத்தும் திறன் ஆகியவற்றில் கவனம் தேவை என ஆய்வாளர்கள் எச்சரித்துள்ளனர்.