பிரபல புரோக்கரேஜ் நிறுவனமான Emkay Global, Eternal நிறுவனத்தின் பங்குகளுக்கு 'Buy' ரேட்டிங் கொடுத்துள்ளது. பிளிங்கிட் (Blinkit) பிராண்டின் அதிரடி விரிவாக்கம் மற்றும் குயிக் காமர்ஸ் வளர்ச்சியே இதற்கு முக்கிய காரணம்.
Emkay Global Financial நிறுவனம் Eternal பங்குகளை வாங்குவதற்கு பரிந்துரைத்துள்ளது. கடந்த 5 காலாண்டுகளாக குயிக் காமர்ஸ் பிரிவில் காட்டி வரும் அசுர வளர்ச்சியே இந்த நம்பிக்கைக்கு அடிப்படை. நடப்பு நிதியாண்டு 2027-ன் இரண்டாம் காலாண்டில், இந்த பிரிவின் வளர்ச்சி 22.2% ஆக உயர்ந்துள்ளது. இது முந்தைய காலாண்டில் 19.1% ஆக இருந்தது குறிப்பிடத்தக்கது.
Blinkit விரிவாக்கம்
நிறுவனம் கடந்த காலாண்டில் மட்டும் 308 புதிய ஸ்டோர்களைத் திறந்து, மொத்தம் 2,751 ஸ்டோர்களைக் கொண்டுள்ளது. மார்ச் 2027-க்குள் 3,500 ஸ்டோர்களாகவும், மார்ச் 2028-க்குள் 5,000 ஸ்டோர்களாகவும் அதிகரிக்க இலக்கு நிர்ணயித்துள்ளது. போட்டி நிறைந்த இந்த மார்க்கெட்டில் சந்தைப் பங்கை (Market Share) பிடிக்க இந்த அதிரடி விரிவாக்கம் அவசியம் என நிபுணர்கள் கருதுகின்றனர்.
கவனிக்க வேண்டிய ரிஸ்க்குகள்
நிறுவனம் புதிதாக அறிமுகம் செய்துள்ள 'dark.ai' குறித்து புரோக்கரேஜ் நிறுவனம் பெரிய உற்சாகத்தைக் காட்டவில்லை. இதை எப்படி லாபகரமாக மாற்றுவது மற்றும் இதற்காக எவ்வளவு செலவாகும் என்பது இன்னும் தெளிவாகத் தெரியவில்லை. மேலும், Swiggy மற்றும் Zepto போன்ற நிறுவனங்களிடமிருந்து கடும் போட்டி உள்ளதால், இந்த அதிரடி விரிவாக்கம் நிறுவனத்தின் கேஷ் ஃப்ளோவை (Cash Flow) பாதிக்குமா என்பதையும் முதலீட்டாளர்கள் உன்னிப்பாகக் கவனிக்க வேண்டும்.