இந்தியாவின் ஹெல்த்கேர் மற்றும் டயக்னாஸ்டிக்ஸ் சந்தை வளரும் என்று கணித்துள்ள Axis Direct, Dr Lal PathLabs, Vijaya Diagnostic Centre மற்றும் Nephrocare Health Services பங்குகளில் முதலீடு செய்ய சாதகமான பார்வையை முன்வைத்துள்ளது.
இந்தியாவின் டயக்னாஸ்டிக்ஸ் சந்தை தற்போது ₹87,000 கோடி என்ற நிலையில் இருந்து, 2028 நிதியாண்டிற்குள் ₹1,37,500 கோடி ஆக உயரும் என்று Axis Direct கணித்துள்ளது. அதிகரித்து வரும் மருத்துவ விழிப்புணர்வு மற்றும் காப்பீடு சந்தையின் விரிவாக்கம் இதற்கு முக்கிய காரணமாக அமையும்.
நிறுவனங்கள் வாரியான டார்கெட் விலை:
- Dr Lal PathLabs: இதற்கு ₹2,315 டார்கெட் விலை நிர்ணயிக்கப்பட்டுள்ளது. இதன் வருவாயில் 70%-க்கும் மேல் சில்லறை வணிகத்தில் இருந்து வருகிறது. கடன் இல்லாத பேலன்ஸ் ஷீட் மற்றும் 26% - 27% EBITDA மார்ஜின் இவர்களுக்கு பெரிய பலம்.
- Vijaya Diagnostic Centre: இதற்கு ₹1,730 டார்கெட் விலை கொடுக்கப்பட்டுள்ளது. இவர்களின் பாத்தாலஜி மற்றும் ரேடியாலஜி சேவை மிக வலுவானது. குறிப்பாக, 40% வரை EBITDA மார்ஜினை இவர்கள் தக்கவைத்து வருவது குறிப்பிடத்தக்கது.
- Nephrocare Health Services: இதற்கு ₹750 டார்கெட் விலை நிர்ணயிக்கப்பட்டுள்ளது. 2025 நிதியாண்டில் 31.5% வருவாய் வளர்ச்சியைப் பதிவு செய்துள்ள இவர்கள், தற்போது நாடு முழுவதும் 500 கிளினிக்குகளை நிர்வகித்து வருகின்றனர்.
கவனிக்க வேண்டிய சவால்கள்:
இந்தத் துறையில் போட்டி அதிகரித்து வருவதால், விலை குறைப்பு (Pricing Pressure) நடப்பதற்கான வாய்ப்புகள் அதிகம். மேலும், இந்த நிறுவனங்களின் பங்குகள் ஏற்கனவே பிரீமியம் விலையில் (High P/E Multiples) வர்த்தகமாகின்றன. இதனால், நிறுவனங்களின் செயல்பாடுகளில் சிறிய தொய்வு ஏற்பட்டாலும் பங்கு விலை சரிவைச் சந்திக்கக்கூடும். குறிப்பாக, பொது-தனியார் பங்களிப்பு (PPP) மாதிரியில் இயங்கும் நிறுவனங்களுக்கு அரசின் கொள்கை மாற்றங்களால் வருவாய் பாதிப்பு ஏற்படும் அபாயமும் உள்ளது.