செயற்கை நுண்ணறிவு (AI) துறையில் முதலீடு செய்வது எப்படி? பங்குச் சந்தை நிபுணர் Aswath Damodaran இதற்காக 4 பிரத்யேக முதலீட்டு உத்திகளைப் பரிந்துரைத்துள்ளார்.
AI துறையில் பெரிய நிறுவனங்கள் கோடிக்கணக்கில் முதலீடு செய்து வரும் நிலையில், முதலீட்டாளர்கள் என்ன செய்ய வேண்டும் என்பதற்கு NYU ஸ்டெர்ன் பிசினஸ் ஸ்கூல் பேராசிரியர் Aswath Damodaran நான்கு பாதைகளை வகுத்துள்ளார்.
முதலீட்டாளர்களுக்கான 4 உத்திகள்:
- நேரடி சவால்: AI போட்டியில் முன்னணியில் இருக்கும் நிறுவனங்களை வாங்குவது அல்லது பின்தங்கிய நிறுவனங்களை Short செய்வது.
- சந்தை நம்பிக்கை: S&P 500 போன்ற பெரிய இன்டெக்ஸ் ஃபண்டுகளில் முதலீடு செய்து, சந்தையின் வளர்ச்சியை நம்பியிருப்பது.
- பாதுகாப்பான அணுகுமுறை: AI மோகத்தில் சிக்காமல், உணவு மற்றும் பொழுதுபோக்கு போன்ற தொழில்நுட்ப மாற்றங்களால் பாதிக்கப்படாத துறைகளில் முதலீடு செய்வது.
- முதலீட்டை பாதுகாத்தல்: சந்தை அதிகப்படியான விலையில் (Overheated) இருப்பதாக உணர்ந்தால், பங்குகளை குறைத்துவிட்டு, ரொக்கமாகவும் அல்லது அரசு பத்திரங்களிலும் (US Treasury) முதலீடு செய்வது.
சந்தையின் தற்போதைய சூழல்:
அக்டோபர் 2026 நிலவரப்படி, 10-ஆண்டு US Treasury Yield சுமார் 5.29% ஆக உள்ளது. பங்குச்சந்தையில் கிடைக்கும் கூடுதல் லாபம் (Equity risk premium) 4% க்கும் கீழே சரிந்துள்ளது. இது, பங்குகள் பத்திரங்களை விட அதிக விலை கொண்டதாக மாறிவிட்டதைக் காட்டுகிறது. தொழில்நுட்ப நிறுவனங்கள் கடன்பட்டு செய்யும் இந்த AI முதலீடுகள், சரியான வருவாயைத் தராதபட்சத்தில், பங்குகள் கடும் அழுத்தத்தைச் சந்திக்க நேரிடும்.
நிபுணரின் 'தூக்க சோதனை' (Sleep Test):
நீங்கள் முதலீடு செய்த பிறகு நிம்மதியாகத் தூங்க முடியுமா? இதுவே மிக முக்கியமான காரணி என்கிறார் Damodaran. சந்தையில் ஏற்ற இறக்கங்கள் இருக்கும்போது பதற்றமடையாமல் இருக்க, தனது போர்ட்ஃபோலியோவில் அதிகப்படியான பணப்புழக்கத்தை (Cash Liquidity) வைப்பதை அவர் தற்போது விரும்புகிறார்.