இந்திய சுற்றுலா பயணிகள் இனி வெளிநாடுகளில் தங்களது UPI-ஐ தாராளமாக பயன்படுத்தலாம். Dubai Burj Khalifa மற்றும் Singapore Resorts World Sentosa சுற்றுலா தளங்களில் டிக்கெட் முன்பதிவு செய்ய NPCI-யின் UPI சேவை அனுமதிக்கப்பட்டுள்ளது.
சுற்றுலா பயணிகளுக்கு புதிய வசதி
இந்திய சுற்றுலா பயணிகள் இனி வெளிநாட்டு பயணங்களின் போது கரன்சி மாற்றும் சிக்கலோ அல்லது சர்வதேச கிரெடிட் கார்டு (International Credit Cards) கட்டணங்களோ பற்றி கவலைப்பட தேவையில்லை. இந்தியாவின் டிஜிட்டல் பணப்பரிவர்த்தனை தளமான UPI, இப்போது துபாயின் Burj Khalifa மற்றும் சிங்கப்பூரின் Resorts World Sentosa ஆகிய இடங்களிலும் அதிகாரப்பூர்வமாக அனுமதிக்கப்பட்டுள்ளது.
எங்கு, எப்படி பயன்படுத்தலாம்?
சிங்கப்பூரில் உள்ள Universal Studios Singapore மற்றும் சிங்கப்பூர் ஓஷனேரியம் (Singapore Oceanarium) போன்ற இடங்களில் இந்த வசதியை பயணிகள் பயன்படுத்திக் கொள்ளலாம். துபாயில், NEOPAY மற்றும் Emaar Entertainment நிறுவனங்களுடன் இணைந்து, முதன்முறையாக ஒரு வணிகரீதியான சுற்றுலா தளத்தில் இந்திய பேமெண்ட் முறை கொண்டு வரப்பட்டுள்ளது. சிங்கப்பூரில் FOMO Pay இந்த தொழில்நுட்ப ஒருங்கிணைப்பை மேற்கொள்கிறது.
உலக அளவில் இந்தியாவின் ஆதிக்கம்
இந்த முயற்சி, இந்தியாவின் டிஜிட்டல் பொது உள்கட்டமைப்பை (Digital Public Infrastructure) உலக நாடுகளுக்கு கொண்டு செல்லும் திட்டத்தின் ஒரு பகுதியாகும். ஏற்கனவே பிரான்சின் ஈபிள் டவர் பகுதியில் இந்த சேவை வெற்றிகரமாக அறிமுகம் செய்யப்பட்டுள்ளது. தற்போது நேபாளம், பூடான், கத்தார், இலங்கை மற்றும் கிரீஸ் உட்பட 10 நாடுகளில் இந்த UPI சேவை செயல்பாட்டில் உள்ளது. விரைவில் உஸ்பெகிஸ்தானிலும் இந்த தொழில்நுட்பம் அறிமுகமாக உள்ளது.
இந்த விரிவாக்கம், சர்வதேச பேமெண்ட் சந்தையில் இந்தியாவிற்கு ஒரு வலுவான இடத்தைப் பெற்றுத் தருவதுடன், வரும் காலங்களில் இதர வணிகப் பரிவர்த்தனைகளிலும் இந்திய டிஜிட்டல் தளம் பெரும் தாக்கத்தை ஏற்படுத்தும் என எதிர்பார்க்கப்படுகிறது.