Global Fintech Fest 2026-ல் பேசிய RBI கவர்னர் சஞ்சய் மல்ஹோத்ரா, சிறு குறு தொழில்களுக்கான (MSME) கடன் இடைவெளியை நிரப்ப டிஜிட்டல் தொழில்நுட்பம் முக்கிய பங்காற்றுவதாக தெரிவித்துள்ளார்.
பாரம்பரிய பிணையம் (Collateral) இனி தேவையில்லை!
இந்தியாவின் பொருளாதாரத்தில் முதுகெலும்பாக விளங்கும் MSME-களுக்கு கடன் கிடைப்பதில் இருந்த மிகப்பெரிய தடை, சொத்து பிணையம் (Collateral). நிலம் அல்லது சொத்து இல்லாத காரணத்தால் பல சிறு தொழில்கள் வங்கிக் கடன்களைப் பெற முடியாமல் தவித்தன. இதற்கு தீர்வாக, டேட்டா அடிப்படையிலான கடன் வழங்கும் முறையை Fintech நிறுவனங்கள் கையில் எடுத்துள்ளன. அதாவது, சொத்துக்களைப் பார்க்காமல், வணிகத்தின் பணப்புழக்கம் (Cash Flow) மற்றும் அன்றாட பரிவர்த்தனைகளை வைத்து கடன் வழங்கும் முறை நடைமுறைக்கு வந்துள்ளது.
ULI-ன் பங்கு என்ன?
இந்த மாற்றத்திற்கு Unified Lending Interface (ULI) போன்ற டிஜிட்டல் உள்கட்டமைப்புகள் பெரும் துணையாக உள்ளன. ஆதார் மற்றும் UPI போன்ற ஏற்கனவே உள்ள கட்டமைப்புடன் இவை இணைக்கப்பட்டுள்ளதால், தொலைதூரப் பகுதிகளில் உள்ள சிறு வணிகர்களுக்கும் எளிதாக கடன் சென்றடைகிறது. இது கடன் செயலாக்க செலவை குறைப்பதோடு, வங்கிச் சேவைகளை அதிவேகமாகவும் மாற்றியுள்ளது.
பாதுகாப்பு மிக முக்கியம்
புதிய கண்டுபிடிப்புகளை ஊக்குவித்தாலும், பாதுகாப்பு விஷயத்தில் சமரசம் இல்லை என RBI திட்டவட்டமாக கூறியுள்ளது. Reserve Bank Innovation Hub மற்றும் Regulatory Sandbox மூலம் புதிய தயாரிப்புகள் சோதிக்கப்படுகின்றன. அதேநேரத்தில், வாடிக்கையாளர் தரவுப் பாதுகாப்பு, மோசடி கண்டறிதல் மற்றும் கன்ஸ்யூமர் ப்ரொடெக்ஷன் போன்றவற்றில் Fintech நிறுவனங்கள் கூடுதல் கவனம் செலுத்த வேண்டும் என்று கவர்னர் எச்சரித்துள்ளார்.
வரும் காலங்களில் வங்கிகளும் Fintech நிறுவனங்களும் இணைந்து செயல்படுவது சந்தையில் பெரிய மாற்றத்தை ஏற்படுத்தும். அதேசமயம், டிஜிட்டல் வளர்ச்சியில் வேகம் காட்டும் நிறுவனங்கள், RBI விதிக்கும் பாதுகாப்பு நெறிமுறைகளை எப்படி கையாளப்போகின்றன என்பதுதான் முதலீட்டாளர்கள் கவனிக்க வேண்டிய முக்கிய விஷயம்.