பர்சனல் லோன் ரிஜெக்ட் ஆகிடுச்சா? கிரெடிட் ஸ்கோரை தாண்டி இதெல்லாம் காரணமா இருக்கலாம்!

கிரெடிட் ஸ்கோர் குறைவா இருந்தாலும் பர்சனல் லோன் ரிஜெக்ட் ஆகலாம். ஆனா, அது மட்டும் காரணமில்லை. உங்க கடன்-வருமான விகிதம் (Debt-to-Income Ratio), அடிக்கடி லோன் அப்ளை பண்றது, வேலை ஸ்திரத்தன்மை போன்ற பல காரணங்களாலையும் லோன் நிராகரிக்கப்படலாம். இந்த விஷயங்களை புரிஞ்சுகிட்டா, அடுத்த முறை லோன் அப்ளை பண்ணும்போது வெற்றி வாய்ப்பு அதிகமா இருக்கும்.

கிரெடிட் ஸ்கோர் மட்டும் போதுமா?

பர்சனல் லோன் விண்ணப்பிச்சு ரிஜெக்ட் ஆகும்போது, நிறைய பேர் முதல்ல அவங்க கிரெடிட் ஸ்கோர்தான் காரணம்னு நினைக்கிறாங்க. ஆனா, CIBIL மாதிரி ஸ்கோர்கள் ஒரு முக்கிய வடிகட்டியா இருந்தாலும், அது மட்டும் முழுமையான முடிவு கிடையாது. பேங்குகள், NBFC-கள் உங்களுடைய மொத்த நிதி நிலைமையையும், கடனை திருப்பி செலுத்தும் திறனையும் முழுமையா ஆராய்ந்த பிறகே லோனை அனுமதிப்பாங்க.

அதிக கடன் சுமை ஒரு பெரிய பிரச்சனை

லோன் ரிஜெக்ட் ஆகுறதுக்கு முக்கிய காரணங்கள்ல ஒன்னு, உங்களுடைய அதிக கடன்-வருமான விகிதம் (Debt-to-Income Ratio). உங்க சம்பளத்துல எவ்வளவு சதவீதம் ஏற்கனவே EMI, கிரெடிட் கார்டு பில்னு போயிட்டு இருக்குன்னு வங்கி பார்ப்பாங்க. உங்களோட வருமானத்துல 40% முதல் 50% வரைக்கும் ஏற்கனவே கடன்களுக்காக போயிட்டு இருந்தா, புதுசா ஒரு லோன் கொடுக்கறதுல அவங்க ரிஸ்க் எடுப்பாங்க. எவ்வளவு சம்பளம் வாங்கினாலும், இந்த விகிதம் அதிகமா இருந்தா லோன் கிடைக்கறது கஷ்டம்.

கடன் வாங்கும் பழக்கமும் முக்கியம்

உங்க கிரெடிட் ரிப்போர்ட்ல நீங்க எப்படி கடன் வாங்குறீங்க, திருப்பி செலுத்துறீங்கன்னும் பார்ப்பாங்க. ஏற்கனவே வாங்குன லோன் அல்லது கிரெடிட் கார்டுக்கு தவணை தவர்த்தாலோ, தாமதமா கட்டினாலோ அது பெரிய நெகட்டிவ். அதுமட்டுமில்லாம, நீங்க எத்தனை தடவை லோனுக்காக அப்ளை பண்றீங்கன்னும் முக்கியம். அடிக்கடி நிறைய பேங்க்ல அப்ளை பண்ணும்போது, உங்க கடன் ரிப்போர்ட்ல நிறைய 'Hard Inquiry' பதிவாகும். இது நீங்க பணத்துக்கு ரொம்ப கஷ்டப்படுறீங்க அல்லது நிதி நிலைமை சரியில்லைன்னு காட்டலாம், இதனாலயும் லோன் ரிஜெக்ட் ஆக வாய்ப்பிருக்கு.

ஆவணங்கள் மற்றும் வேலைவாய்ப்பு காரணங்கள்

சில சமயம், கிரெடிட் ஹிஸ்டரியை தாண்டி வேற காரணங்களாலும் லோன் ரிஜெக்ட் ஆகலாம். விண்ணப்பத்துல தேவையான டாக்குமென்ட்ஸ் சரியா கொடுக்கலைன்னாலோ, முகவரி அல்லது PAN கார்டு விவரங்கள்ல ஏதாவது குழப்பம் இருந்தாலோ, வருமானத்தை சரியா நிரூபிக்க முடியலைன்னாலோ லோன் நிராகரிக்கப்படும். அதுபோல, வேலைல அடிக்கடி மாறினாலும் அல்லது வேலைவாய்ப்புல நீண்ட இடைவெளி இருந்தாலும், உங்க வருமானம் எப்படி தொடர்ச்சியா இருக்கும்னு வங்கிக்கு சந்தேகம் வரலாம். நிலையான வேலைவாய்ப்பு, ஒரே நிறுவனத்துல நீண்ட காலம் வேலை செஞ்சிருக்கிறது எல்லாம் லோன் கிடைக்கறதுக்கு சாதகமா இருக்கும்.

ரிஜெக்ஷனை எப்படி சாதகமாக்குவது?

லோன் ரிஜெக்ட் ஆனா, அதை ஒரு முடிவா நினைக்காம, ஒரு பாடமா எடுத்துக்கோங்க. உங்க கிரெடிட் ரிப்போர்ட்டை சரிபார்த்து, தப்பு இருந்தா சரிசெய்யுங்க. உங்க கடன்-வருமான விகிதம் அதிகமா இருந்தா, சின்ன சின்ன கடன்களை அடைச்சிட்டு மறுபடியும் அப்ளை பண்ணுங்க. லோன் ரிஜெக்ட் ஆன உடனேயே திரும்ப அப்ளை பண்ணாம, ஒரு சில மாதங்கள் இடைவெளி விட்டு அப்ளை பண்றது நல்லது. இது உங்க கிரெடிட் ரிப்போர்ட்டை மேம்படுத்த உதவும். ஏற்கனவே இருக்கிற கடன்களை குறைச்சி, சரியான நேரத்துல EMI கட்டுற பழக்கத்தை வழக்கமாக்கிட்டா, எதிர்காலத்துல லோன் கிடைக்கறதுக்கான வாய்ப்புகள் நிச்சயம் அதிகமாகும்.