இந்தியாவில் உள்ள பிரைவேட் ஈக்விட்டி (Private Equity) நிறுவனங்கள், தங்கள் நிறுவனங்களின் உயர் அதிகாரிகளுக்கு வழங்கும் சம்பளத்தை, முதலீட்டிலிருந்து வெளியேறும் (Exit) இலக்குகளுடன் இணைக்கத் தொடங்கியுள்ளன.
இந்தியாவில் முதலீட்டு நிறுவனங்கள் (Private Equity) ஒரு புதிய பாணியிலான ஊக்கத்தொகை முறையைக் கையில் எடுத்துள்ளன. இதன்படி, அந்தந்த நிறுவனங்களின் உயர் அதிகாரிகள், குறிப்பிட்ட லாபம் அல்லது முதலீட்டுத் தொகையைத் திரும்பப் பெற்றுத் தந்தால் மட்டுமே அதிக ஊக்கத்தொகை கிடைக்கும் வகையில் திட்டங்கள் வகுக்கப்படுகின்றன.
முதலீடுகள் நிறுவனங்களில் சராசரியாக 7 ஆண்டுகள் வரை தேங்கிக் கிடப்பதால், முதலீட்டாளர்களுக்குப் பணத்தைத் திரும்பக் கொடுக்க வேண்டும் என்ற கட்டாயம் PE நிறுவனங்களுக்கு ஏற்பட்டுள்ளது. சந்தையில் நிலவும் பணப்புழக்க நெருக்கடி மற்றும் டீல்களை முடிப்பதில் உள்ள சவால்களை சமாளிக்க, திறமையான நிர்வாகிகளை ஈர்க்க இந்த 'பெர்ஃபாமன்ஸ்-லிங்க்டு' போனஸ் உதவுகிறது.
இதில் உள்ள ஆபத்துகள் என்ன?
நிபுணர்கள் இதனைப் பெரிய அபாயமாகவும் பார்க்கிறார்கள். குறுகிய கால லாபத்தைக் காட்ட வேண்டும் என்ற கட்டாயத்தில், நிறுவனத்தின் நீண்டகால வளர்ச்சியை அதிகாரிகள் புறக்கணித்துவிடக்கூடும். வெறும் 'எக்ஸிட்' இலக்கை எட்ட வேண்டும் என்பதற்காகச் செய்யப்படும் தவறான முடிவுகள், நிறுவனத்தின் எதிர்காலத்தை பாதிக்கலாம்.
SEBI-ன் கண்காணிப்பு
பட்டியலிடப்பட்ட நிறுவனங்களைப் பொறுத்தவரை, இது தொடர்பாக Securities and Exchange Board of India (SEBI) கடும் கட்டுப்பாடுகளை விதித்துள்ளது. போர்டு மற்றும் பங்குதாரர்களின் முறையான அனுமதி இல்லாமல் இதுபோன்ற ஒப்பந்தங்களைச் செய்ய முடியாது. எனவே, முதலீட்டாளர்கள் அந்தந்த நிறுவனங்களின் ரகுலேட்டரி பைலிங்ஸை (Regulatory filings) உன்னிப்பாகக் கவனிக்க வேண்டும். குறிப்பாக, நிர்வாகத்தின் கவனம் நிறுவனத்தின் லாபத்திலா அல்லது வெறும் எக்ஸிட் மதிப்பைக் கூட்டுவதிலா என்பதில் முதலீட்டாளர்கள் தெளிவு பெற வேண்டும்.