Tata Trusts சேர்மன் Noel Tata, Tata Sons நிறுவனத்தின் பெரிய முதலீடுகளுக்கு (ரூ. 23,000 கோடிக்கு மேல்) இனி கடுமையான நிதித் தணிக்கை மற்றும் ரிஸ்க் மதிப்பீடு அவசியம் என உத்தரவிட்டுள்ளார்.
Tata Trusts சேர்மன் பதவியில் இருக்கும் Noel Tata, Tata Sons நிறுவனத்தின் நிதி நிர்வாகத்தில் ஒரு புதிய மாற்றத்தைக் கொண்டுவரத் தொடங்கியுள்ளார். இனிமேல், ₹23,000 கோடி-க்கு மேல் மேற்கொள்ளப்படும் எந்தவொரு பெரிய முதலீட்டு திட்டத்திற்கும், அதிலிருந்து எதிர்பார்க்கப்படும் லாபம் மற்றும் ஏற்படக்கூடிய ஆபத்துகள் (Risks) குறித்த விரிவான பிசினஸ் ரிப்போர்ட்டை நிர்வாகம் சமர்ப்பிக்க வேண்டும்.
இதுவரை இருந்த சுருக்கமான ஒப்புதல் முறையை மாற்றி, ஆதாரங்களுடன் கூடிய நிதித் திட்டமிடலை (Evidence-based planning) அவர் கட்டாயமாக்கியுள்ளார். Air India, Tejas Networks மற்றும் Tata Digital போன்ற நிறுவனங்களில் ஏற்கனவே Tata Sons அதிக முதலீடுகளை செய்துள்ள நிலையில், இந்த புதிய கட்டுப்பாடுகள் மிகவும் முக்கியமானதாகக் கருதப்படுகிறது.
அதிகாரமும் பொறுப்பும்
Tata Sons நிறுவனத்தின் பெரும் பங்குகளை Tata Trusts வைத்திருப்பதால், ₹100 கோடி-க்கு மேல் நடக்கும் முதலீடுகளுக்கு Trusts பரிந்துரைக்கும் இயக்குநர்களின் ஆதரவு அவசியம். Noel Tata மற்றும் Venu Srinivasan ஆகிய இருவரும், போர்டு ஒப்புதல் அளிக்கும் முன்பே இந்த முதலீடுகளை மறுபரிசீலனை செய்யும் அதிகாரத்தைப் பெற்றுள்ளனர்.
ரிசர்வ் வங்கியின் நெருக்கடி
இந்த நிதி ஒழுக்க நடவடிக்கைகள், ரிசர்வ் வங்கியின் (RBI) புதிய விதிகளுடன் இணைந்து வருகின்றன. Tata Sons நிறுவனத்தை 'Core Investment Company' (Upper Layer) என RBI வகைப்படுத்தியுள்ளதால், அது கட்டாயம் பங்குச் சந்தையில் லிஸ்ட் ஆக வேண்டிய கட்டாயத்தில் உள்ளது. இந்த லிஸ்டிங் பணிகளுக்கு மத்தியில்தான், N. Chandrasekaran-ன் மறுநியமனம் மற்றும் நிறுவனங்களின் சீரமைப்பு தொடர்பான விவாதங்களும் நடந்து வருகின்றன.
முதலீட்டாளர்களைப் பொறுத்தவரை, Tata குழுமத்தின் இந்த புதிய நிதி ஒழுக்கம், அதன் எதிர்கால வளர்ச்சிப் பாதையைத் தீர்மானிக்கும் முக்கிய காரணியாக இருக்கும்.