இந்தியாவில் முதலீடு செய்யும் NRI-கள், FEMA கட்டுப்பாடுகள் மற்றும் வரி சிக்கல்களைத் தவிர்க்க GIFT City-ன் International Financial Services Centre-க்கு தங்கள் மூலதனத்தை மாற்றி வருகின்றனர்.
இந்தியாவில் உள்ள வழக்கமான பேங்க் அக்கவுண்டுகளைத் தவிர்த்து, வெளிநாடு வாழ் இந்தியர்கள் (NRI) இப்போது குஜராத்தில் உள்ள GIFT City-யை தங்களின் முக்கிய முதலீட்டு மையமாக மாற்றி வருகின்றனர். சிங்கப்பூர் அல்லது துபாய் போன்ற வெளிநாட்டு நிதி மையங்களுக்கு இணையாக, இந்தியாவிற்குள்ளேயே இந்த IFSC செயல்படுவது முதலீட்டாளர்களுக்குப் பெரிய வசதியாக மாறியுள்ளது.
FEMA தடைகள் நீக்கம்
இந்தியாவின் முக்கிய நிலப்பகுதியில் முதலீடு செய்யும் போது, FEMA (Foreign Exchange Management Act) விதிக்கும் கடுமையான கட்டுப்பாடுகள், பணத்தை மீண்டும் வெளிநாட்டுக்குக் கொண்டு செல்வதில் உள்ள ஆவணச் சிக்கல்கள் போன்றவை NRI-களை வாட்டி வந்தன. ஆனால், GIFT City-யில் உள்ள IFSCA அமைப்பின் கீழ், இந்த நிதி நிறுவனங்கள் 'இந்தியாவுக்கு வெளியே உள்ள அமைப்புகளாகவே' கருதப்படுகின்றன. இதனால், மூலதனத்தை திரட்டுவதும், முதலீடு செய்வதும், மீண்டும் சொந்த நாட்டுக்குக் கொண்டு செல்வதும் மிகவும் எளிதாகிறது.
டாலர் முதலீட்டின் பலம்
இந்தத் திட்டத்தின் மிகப்பெரிய பிளஸ் என்னவென்றால், பணத்தை இந்திய ரூபாய்க்குப் பதிலாக USD (அமெரிக்க டாலர்) மதிப்பிலேயே வைத்திருக்க முடியும். இது ரூபாய் மதிப்பு வீழ்ச்சியால் ஏற்படும் இழப்புகளைத் தவிர்க்க உதவுகிறது. மேலும், தகுதியுள்ள நிறுவனங்களுக்கு 10 வருட வரி விடுமுறை (Tax Holiday) மற்றும் Securities Transaction Tax-ல் இருந்து விலக்கு போன்ற சலுகைகள் கிடைக்கின்றன. 2026 மார்ச் நிலவரப்படி, GIFT IFSC நிதிகளில் சுமார் USD 39.09 பில்லியன் அளவுக்கு முதலீடு செய்யப்பட்டுள்ளது.
கவனிக்க வேண்டிய ரிஸ்க்குகள்
இங்கு முதலீடு செய்வது சமானியர்களுக்கு அவ்வளவு எளிதல்ல. இதில் உள்ள Alternative Investment Funds (AIFs) பெரும்பாலும் USD 150,000 என்ற குறைந்தபட்ச முதலீட்டு வரம்பைக் கொண்டுள்ளன. மேலும், இதில் சந்தை ஏற்ற இறக்கங்கள் அதிகம், பணப்புழக்கம் (Liquidity) சற்று குறைவாக இருக்கலாம். புதிய வரி ஒப்பந்தங்கள் மற்றும் சர்வதேச விதிமுறைகள் மாறும் போது, தற்போதுள்ள வரிச் சலுகைகளில் மாற்றங்கள் வரலாம் என்பதையும் முதலீட்டாளர்கள் கவனத்தில் கொள்ள வேண்டும்.