State Bank of India அளித்த மனுவின் அடிப்படையில், Videocon Industries-ன் முன்னாள் புரமோட்டர் Venugopal Dhoot-ஐ திவாலானவராக (Bankrupt) NCLT மும்பை அமர்வு அறிவித்துள்ளது. அவரது தனிப்பட்ட சொத்துக்களை ஏலம் விட்டு ₹12,668 கோடி கடனை வசூலிக்க உத்தரவிடப்பட்டுள்ளது.
கடனின் பின்னணி என்ன?
நவம்பர் 5, 2026 அன்று, NCLT மும்பை அமர்வு இந்த தீர்ப்பை வழங்கியுள்ளது. Videocon Industries மற்றும் அதன் துணை நிறுவனங்களுக்கு வழங்கப்பட்ட கடன்களுக்கு, Venugopal Dhoot தனிப்பட்ட முறையில் கேரண்டி (Personal Guarantee) அளித்திருந்தார். ஆனால், அந்த கடன்களை அவர் திருப்பிச் செலுத்த தவறியதால், SBI நீதிமன்றத்தை நாடியது. செப்டம்பர் 30, 2026 நிலவரப்படி, அவர் செலுத்த வேண்டிய மொத்த தொகை ₹12,668.06 கோடி என உறுதி செய்யப்பட்டுள்ளது.
நிராகரிக்கப்பட்ட சமாதான முயற்சி
இந்த தீர்ப்பிற்கு முன்னதாக, ஜூன் 2026-ல் Dhoot ஒரு மறுசீரமைப்பு திட்டத்தை முன்வைத்தார். சிலிகுரியில் உள்ள ஒரு ரியல் எஸ்டேட் திட்டத்தின் மூலம் ₹600 கோடி செலுத்துவதாக அவர் கூறியிருந்தார். ஆனால், கடன் கொடுத்தவர்கள் குழு (Committee of Creditors) இந்த திட்டத்தை நிராகரித்தது. இந்த திட்டம் நம்பகத்தன்மை இல்லாதது என்றும், வருவாய்க்கு உத்தரவாதம் இல்லை என்றும் காரணம் கூறப்பட்டது.
அடுத்து என்ன நடக்கும்?
தற்போது Asish Narayan என்பவர் திவாலானவர் தொடர்பான டிரஸ்டியாக (Bankruptcy Trustee) நியமிக்கப்பட்டுள்ளார். இவரது பணி, Dhoot-ன் தனிப்பட்ட சொத்துக்களைக் கண்டறிந்து, அவற்றைச் சட்டப்படி ஏலம் விட்டு கடனை வசூலிப்பதாகும். Insolvency and Bankruptcy Code (IBC) விதிகளின்படி, அடுத்த 7 நாட்களில் தனது சொத்து விவரங்களை அவர் தாக்கல் செய்ய வேண்டும். இந்த காலக்கட்டத்தில் அவர் எந்த நிறுவனத்திலும் இயக்குநராகப் பணியாற்ற முடியாது என்பது குறிப்பிடத்தக்கது. அடுத்த 90 நாட்களில் டிரஸ்டி இது தொடர்பான அறிக்கையை NCLT-யிடம் சமர்ப்பிக்க வேண்டும்.