NBFC நிறுவனங்களின் கோல்டு லோன் பிரிவில் திருப்பிச் செலுத்தப்படாத கடன்களின் எண்ணிக்கை அதிகரித்துள்ளது. குறிப்பாக Shriram Finance மற்றும் Bajaj Finance நிறுவனங்களில் 'Stage 2' அசெட்கள் கணிசமாக உயர்ந்துள்ளன. கடன் வழங்கல் சிக்கல் இருந்தாலும், இந்த நிறுவனங்கள் கிளைகளை விரிவுபடுத்துவதில் தீவிரம் காட்டி வருகின்றன.
தங்கம் மீதான கடன் எப்போதும் பாதுகாப்பானதாகக் கருதப்பட்டது. ஆனால், தற்போது NBFC நிறுவனங்களின் செயல்பாடுகள் இந்த பிம்பத்தை கேள்விக்குள்ளாக்கியுள்ளன. வாடிக்கையாளர்கள், குறிப்பாக EMI முறையில் கடன் வாங்கியவர்கள், கடனைத் திருப்பிச் செலுத்துவதில் கடும் சிரமத்தை எதிர்கொண்டு வருகின்றனர். இதனால், தாமதமாகும் கடன் கணக்குகளான 'Stage 2' அசெட்கள் பெரும் சரிவை சந்தித்துள்ளன.
நிறுவனங்களின் ரிப்போர்ட் என்ன?
Shriram Finance நிறுவனத்தின் மொத்த 'Stage 2' கடன்கள் 71.1% அதிகரித்துள்ளது. அதேபோல், Bajaj Finance நிறுவனத்தின் 'Stage 2' கோல்டு லோன்கள் கடந்த ஆண்டு 0.65%-ஆக இருந்த நிலையில், தற்போது 4.51%-ஆக எகிறியுள்ளது. இது கடன் சந்தையில் உள்ள நெருக்கடியை தெளிவாக காட்டுகிறது.
எங்கே சிக்கல்?
Piramal Finance தரவுகளின்படி, கோல்டு லோன் வாங்குபவர்களில் சுமார் 15% முதல் 23% பேர் ஏற்கனவே மற்ற கடன்களைச் செலுத்த முடியாமல் அவதிப்படுபவர்கள். இத்தகைய நபர்கள், மற்ற கடன் சிக்கல்களைத் தீர்க்க மீண்டும் தங்கம் அடமானக் கடன்களை நாடுவதால், NBFC-களுக்கு ரிஸ்க் அதிகரிக்கிறது.
மாறும் உத்திகள்
இந்த சிக்கலை சமாளிக்க, பல நிறுவனங்கள் EMI முறைக்கு பதிலாக 'புல்லட் ரீபேமெண்ட்' (Bullet Repayment) முறையை நோக்கி மாறுகின்றன. இதில் தவணை முறையல்லாமல், கடன் கால முடிவில் அசலும் வட்டியும் ஒன்றாகச் செலுத்தப்படும். இது வாடிக்கையாளர்களுக்கு தற்காலிக நிவாரணம் அளிக்கும் என்றாலும், நிறுவனங்களுக்கு பெரிய அளவிலான ரிஸ்க்கை உருவாக்கும்.
தொடரும் விரிவாக்கம்
ரிஸ்க் அதிகரித்தாலும், சந்தையைப் பிடிக்க NBFC-கள் வேகமான விரிவாக்கத்தில் உள்ளன. Bajaj Finance கடந்த இரண்டாவது காலாண்டில் 321 கிளைகளைத் திறந்துள்ளது. 2027 நிதியாண்டு இறுதிக்குள் 2,800 கிளைகளை எட்ட இலக்கு நிர்ணயித்துள்ளது. Piramal Finance இந்த நிதியாண்டுக்குள் 200 புதிய கிளைகளைத் திறக்கத் திட்டமிட்டுள்ளது.
இனி வரும் காலாண்டுகளில், இந்த நிறுவனங்கள் கடன் தரத்தை (Credit Quality) எவ்வாறு கட்டுக்குள் வைக்கும் என்பதையே முதலீட்டாளர்கள் உற்று நோக்க வேண்டும்.