Fintech ஸ்டார்ட்அப் நிறுவனமான Multipl, Global Fintech Fest 2026-ல் UPI-உடன் இணைக்கப்பட்ட புதிய spending account-ஐ அறிமுகப்படுத்தியுள்ளது. இனி உங்கள் தினசரி செலவுகளுக்காக ஒதுக்கும் பணத்தை லிக்விட் மியூச்சுவல் ஃபண்டுகளில் முதலீடு செய்து லாபம் ஈட்டலாம்.
இது எப்படி வேலை செய்கிறது?
வழக்கமாக நாம் சேமிப்பு கணக்கில் (Savings Account) வைத்திருக்கும் பணத்திற்கு குறைவான வட்டி மட்டுமே கிடைக்கும். ஆனால், Multipl நிறுவனம் உங்கள் பணத்தை லிக்விட் மியூச்சுவல் ஃபண்டுகளில் (Liquid Mutual Funds) முதலீடு செய்கிறது. நீங்கள் UPI மூலம் பில் அல்லது ஷாப்பிங் செய்யும்போது, அந்தத் தொகைக்கு இணையாக மியூச்சுவல் ஃபண்ட் முதலீடு உடனடியாக விற்கப்பட்டு பணப்பரிமாற்றம் நிறைவடையும்.
pilot ப்ராஜெக்ட் வெற்றி
இந்தத் திட்டத்தின் முன்னோட்டமாக 20,000 பயனர்களுடன் நடத்தப்பட்ட சோதனையில், சுமார் ₹20 கோடி முதலீடு செய்யப்பட்டுள்ளது. இதில் ₹4 கோடி மதிப்பிலான UPI பரிமாற்றங்கள் வெற்றிகரமாக நடந்துள்ளன. இதைத் தொடர்ந்து, அடுத்த 12 மாதங்களுக்குள் 200,000 பயனர்களைச் சேர்க்கவும், ₹200 கோடி AUM-ஐ எட்டவும் Multipl இலக்கு நிர்ணயித்துள்ளது. விரைவில் BBPS (Bharat Bill Payment System)-உடனும் இது இணைய உள்ளது.
கவனிக்க வேண்டிய ரிஸ்க் (Risk Factors)
இது வங்கி வைப்புநிதி (Bank Deposit) அல்ல என்பதை முதலீட்டாளர்கள் கவனத்தில் கொள்ள வேண்டும். மியூச்சுவல் ஃபண்ட் வருமானம் சந்தை நிலவரத்தைப் பொறுத்தது, எனவே இது உத்தரவாதமான லாபம் கிடையாது. சந்தை ஏற்ற இறக்கங்கள் உங்கள் முதலீட்டு மதிப்பை பாதிக்கலாம்.
கூட்டணிகள் மற்றும் பாதுகாப்பு
UTI, ICICI Prudential, Axis மற்றும் HDFC Mutual Fund ஆகிய நிறுவனங்களுடன் இணைந்து இந்தச் சேவை வழங்கப்படுகிறது. அதே சமயம், ரிசர்வ் வங்கி (RBI) தரப்பில் இருந்து டிஜிட்டல் பரிவர்த்தனைகள் மற்றும் தரவு பாதுகாப்பு குறித்து கடும் கட்டுப்பாடுகள் இருப்பதால், நிறுவனம் எப்படி இணக்கமாகச் செயல்படப் போகிறது என்பது முக்கியமாக கவனிக்கப்பட வேண்டிய விஷயம்.