Tokenized சொத்துக்களின் அதிரடி வளர்ச்சி, பாரம்பரிய வெல்த் மேனேஜ்மென்ட் நிறுவனங்களின் வருவாயில் சுமார் 30% வரை பாதிப்பை ஏற்படுத்தும் என Morgan Stanley எச்சரித்துள்ளது.
வருவாய் சரிவு ஏன்?
Morgan Stanley-இன் சமீபத்திய ஆய்வறிக்கை, பாரம்பரிய நிதிச் சந்தைக்கு ஒரு எச்சரிக்கையை விடுத்துள்ளது. நிஜ உலக சொத்துக்களான பாண்டுகள் (Bonds) மற்றும் மணி மார்க்கெட் ஃபண்டுகளை பிளாக்செயினில் டோக்கன்களாக மாற்றும் (Tokenization) முறை பிரபலமடைந்து வருகிறது. இதனால், பாரம்பரிய நிறுவனங்கள் பெற்று வந்த நெட் இன்ட்ரெஸ்ட் இன்கம் (Net Interest Income) எனப்படும் வட்டி வருவாயில் 25% முதல் 30% வரை குறைய வாய்ப்புள்ளதாக கணிக்கப்பட்டுள்ளது.
சந்தை வளர்ச்சி எப்படி இருக்கும்?
தற்போது சுமார் $40 பில்லியன் ஆக இருக்கும் இந்த டோக்கனைஸ்டு சொத்து சந்தை, 2030-ஆம் ஆண்டிற்குள் $2.3 டிரில்லியன் மதிப்பிற்கு உயரும் என எதிர்பார்க்கப்படுகிறது. வேகமான செட்டில்மென்ட் மற்றும் எளிமையான பணப் பரிமாற்றம் காரணமாக முதலீட்டாளர்கள் இந்த புதிய முறையை நோக்கி ஈர்க்கப்படுகின்றனர்.
சவால்களும் வாய்ப்புகளும்
இந்த மாற்றம் உடனடியாக நடந்துவிடாது என்று கூறும் ஆய்வாளர்கள், தனியார் சொத்துக்களை மதிப்பீடு செய்வதிலும், பணப்புழக்கத்தை (Liquidity) உறுதி செய்வதிலும் இன்னும் சில சிக்கல்கள் இருப்பதாகக் குறிப்பிடுகின்றனர். இருந்தபோதிலும், இந்த டிஜிட்டல் மாற்றத்தை ஏற்காத நிறுவனங்கள் சந்தையில் தங்கள் ஆதிக்கத்தை இழக்க நேரிடும். டிஜிட்டல் பிளாட்பாரங்களில் முதலீடு செய்யும் நிறுவனங்கள் மட்டுமே வருங்காலத்தில் போட்டியில் நிலைத்திருக்க முடியும் என்பது இந்த அறிக்கையின் சாராம்சம்.