லாப அளவை தக்கவைக்க HDFC Bank தனது வீட்டு கடன் போர்ட்ஃபோலியோவின் ஒரு பகுதியை விற்க அல்லது செக்யூரிடைஸ் (securitize) செய்ய திட்டமிட்டுள்ளது. தற்போதைய சந்தை போட்டியை கருத்தில் கொண்டு, கடன் அளவை விட லாபத்திற்கு முக்கியத்துவம் அளிக்கப்போவதாக சிஇஓ சஷிதர் ஜெகதீசன் தெரிவித்துள்ளார்.
லாபமே முக்கியம்!
தற்போதைய சந்தையில் வீட்டு கடன் துறையில் கடும் போட்டி நிலவுகிறது. பல நிறுவனங்கள் வட்டி விகிதங்களை குறைத்து வாடிக்கையாளர்களை கவர முயலும் வேளையில், HDFC Bank தனது லாப இலக்கை அடையாத ஒப்பந்தங்களை தவிர்த்து வருகிறது. லாப விகிதத்தை (Profit Margins) கட்டுக்கோப்பாக வைத்திருக்க, வங்கியின் போர்ட்ஃபோலியோவில் உள்ள சில கடன் பத்திரங்களை விற்க அல்லது செக்யூரிடைஸ் செய்ய வங்கி தயாராகி வருகிறது. இது நிறுவனத்திற்கு கூடுதல் மூலதனத்தை பெற்றுத்தரும்.
சஷிதர் ஜெகதீசனின் வியூகம்
வங்கியின் சிஇஓ சஷிதர் ஜெகதீசன், மிகையான வளர்ச்சி (Volume Growth) என்பதை விட வங்கியின் நிதி ஆரோக்கியமே முக்கியம் என்று கூறியுள்ளார். HDFC Limited-உடனான மெர்ஜருக்குப் பிறகு, முதலீட்டாளர்கள் பழைய அளவீடுகளை மட்டும் பார்க்காமல், Return on Assets (RoA) மற்றும் Earnings Per Share (EPS) ஆகியவற்றில் கவனம் செலுத்த வேண்டும் என நிர்வாகம் கேட்டுக்கொண்டுள்ளது.
டெபாசிட் வாடிக்கையாளர்களே டார்கெட்
வீட்டு கடன் வாடிக்கையாளர்களை வெறும் கடன் பெறுபவர்களாக மட்டும் பார்க்காமல், அவர்களை டெபாசிட் கணக்கு வைத்திருக்கும் வங்கி வாடிக்கையாளர்களாக மாற்றுவதே இப்போதைய முக்கிய இலக்கு. தற்போது சுமார் 60% ஹோம் லோன் போர்ட்ஃபோலியோ, வங்கியின் கணக்குகள் மூலமே நிர்வகிக்கப்படுகிறது. இந்த எண்ணிக்கையை அதிகரிப்பதன் மூலம், வங்கியின் நிதி ஆதார செலவு (Cost of Funds) குறையும் என எதிர்பார்க்கப்படுகிறது.