ரிட்டையர்மென்ட்டிற்கு பிறகு மூன்று ஆண்டுகள் வரை உங்கள் EPF அக்கவுண்டில் வட்டி கிடைக்கும் என்பதை EPFO உறுதிப்படுத்தியுள்ளது. ஆனால், 61 வயதுக்கு மேல் அக்கவுண்ட் 'Inoperative' நிலைக்குச் சென்றுவிடும் என்பதால், அதற்குள் பணத்தை எடுப்பது அவசியம்.
3 ஆண்டுகள் வரை வட்டி உண்டு
ஓய்வு பெற்ற பிறகு, உடனடியாக பிஎஃப் பணத்தை எடுக்க வேண்டிய கட்டாயம் இல்லை என்று நினைப்பவர்களுக்கு இது நல்ல செய்தி. EPFO விதிகளின்படி, நீங்கள் ஓய்வு பெற்ற தேதியிலிருந்து அடுத்த 3 ஆண்டுகள் வரை உங்கள் டெபாசிட் மீது வட்டி தொடர்ந்து கிடைக்கும். இந்த கால அவகாசம், உங்கள் நிதித் திட்டமிடலை நிம்மதியாக மேற்கொள்ள உதவியாக இருக்கும்.
எப்போது வட்டி நின்றுவிடும்?
இந்த சலுகைக்கு ஒரு குறிப்பிட்ட காலக்கெடு உள்ளது. அக்கவுண்ட் வைத்திருப்பவருக்கு 61 வயது பூர்த்தியானதும், அந்த EPF கணக்கு அதிகாரப்பூர்வமாக 'Inoperative' (செயல்பாடற்ற) நிலைக்கு மாற்றப்படும். இந்த நிலையை அடைந்த பிறகு, உங்கள் கணக்கில் இருக்கும் பணத்திற்கு இனி வட்டி கிடைக்காது. முடக்கப்பட்ட கணக்கில் இருக்கும் பணம் எந்தவிதமான வளர்ச்சியும் இன்றி சும்மாவே இருக்கும்.
கவனமாக இருக்க வேண்டியது என்ன?
உங்கள் பணம் வீணாகாமல் இருக்க, 61 வயதுக்கு முன்பாகவே பணத்தை எடுப்பதற்குத் திட்டமிடுவது சிறந்தது. உங்கள் பிஎஃப் கணக்கு தற்போதைய நிலையைத் தெரிந்துகொள்ள EPFO-ன் அதிகாரப்பூர்வ போர்ட்டலைப் பயன்படுத்தலாம். சரியான நேரத்தில் பணத்தை எடுப்பதன் மூலம், உங்கள் சேமிப்பின் மீது முழுமையான பலனைப் பெற முடியும். ஓய்வு பெற்ற ஊழியர்கள் தங்களின் கணக்கு நிலையைத் அவ்வப்போது சரிபார்த்து, நிதி இழப்பைத் தவிர்க்க முன்வருவது அவசியம்.