Ramnandi Hotels and Resorts நிறுவனத்தில் நடந்ததாகக் கூறப்படும் ₹131.79 கோடி வங்கி கடன் மோசடி தொடர்பாக அமலாக்கத்துறை (ED) அதிரடி சோதனைகளை நடத்தியுள்ளது.
பீகார், ஹரியானா மற்றும் டெல்லியில் உள்ள Ramnandi Hotels and Resorts நிறுவனத்திற்குச் சொந்தமான இடங்களில் அமலாக்கத்துறை அதிகாரிகள் தீவிர சோதனையில் ஈடுபட்டனர். முன்னதாக, சிபிஐ (CBI) தொடர்ந்த வழக்கின் அடிப்படையில் இந்த விசாரணை தற்போது தீவிரமடைந்துள்ளது.
மோசடியின் பின்னணி என்ன?
Central Bank of India தலைமையிலான வங்கி கூட்டமைப்பிடம் இருந்து நிறுவனம் சுமார் ₹85 கோடி கடன் பெற்றுள்ளது. ஆனால், முறையான பயன்பாட்டிற்குப் பதிலாக, அதில் ₹58 கோடி நிதியை நிறுவனம் வேறு வழிகளில் மடைமாற்றியதாக (Diversion) அமலாக்கத்துறை குற்றம் சாட்டுகிறது. திட்டப்பணிகள் முடிவடைந்துவிட்டதாக போலியான ஆவணங்களைத் தயாரித்து வங்கியை ஏமாற்றியதும் விசாரணையில் தெரியவந்துள்ளது.
சொத்துக்கள் விற்பனையில் முறைகேடு
வங்கியில் அடமானம் வைக்கப்பட்ட சொத்துக்களை, அவற்றின் சந்தை மதிப்பை விட மிகக் குறைவான விலைக்கு தங்களுக்கு வேண்டியவர்களுக்கு (Proxies) விற்று, அவற்றை மீட்க முடியாதபடி நிறுவனம் செய்துள்ளதாக அதிகாரிகள் கூறுகின்றனர். பணமோசடி தடுப்புச் சட்டத்தின் (PMLA) கீழ் இச்செயல்பாடுகள் விசாரிக்கப்பட்டு வருகின்றன.
Ramnandi Hotels ஒரு பிரைவேட் நிறுவனம் என்பதால் பங்குச்சந்தையில் இது பட்டியலிடப்படவில்லை. எனினும், இந்த விவகாரம் நிறுவனத்தின் செயல்பாடுகளைப் பெரிய அளவில் பாதிக்கும் என எதிர்பார்க்கப்படுகிறது.