இந்திய ஆட்டோமோட்டிவ் டெக் ஸ்டார்ட்-அப்கள் 2026-ம் ஆண்டில் இதுவரை **97** முதலீட்டு சுற்றுகள் மூலம் **$1.3 பில்லியன்** நிதியை திரட்டியுள்ளன. சிறிய நிறுவனங்களை விட, பெரிய மற்றும் முதிர்ச்சியடைந்த நிறுவனங்களுக்கு முதலீட்டாளர்கள் முன்னுரிமை அளித்து வருகின்றனர்.
2026-ம் ஆண்டில் இந்திய ஆட்டோ டெக் துறை $1.3 பில்லியன் ஈக்விட்டி நிதியை ஈர்த்துள்ளது. இது கடந்த ஆண்டின் போக்கை விட முற்றிலும் மாறுபட்டது. 2025-ல் மொத்தம் $2.1 பில்லியன் முதலீடு 195 சுற்றுகளில் கிடைத்தது. ஆனால், இந்த ஆண்டு முதலீட்டாளர்களின் பார்வை மாறியுள்ளது; புதிய மற்றும் சோதனை முயற்சியில் உள்ள நிறுவனங்களை விட, ஏற்கனவே லாபகரமான வணிக மாதிரியைக் கொண்ட நிறுவனங்களுக்கே முன்னுரிமை தருகின்றனர்.
பெரும் நிறுவனங்களுக்கு மவுசு
முதலீடுகளில் பெரும்பகுதி குறிப்பிட்ட சில பெரிய நிறுவனங்களுக்கு சென்றுள்ளது. குறிப்பாக, Rapido நிறுவனம் $240 மில்லியன் நிதியையும், Simple Energy $180 மில்லியன் மற்றும் River நிறுவனம் $102 மில்லியன் நிதியையும் திரட்டியுள்ளன. மொத்த முதலீட்டில் சுமார் 70% பத்து முக்கிய பரிவர்த்தனைகளுக்கு மட்டுமே சென்றுள்ளது என்பது குறிப்பிடத்தக்கது. இது சிறிய ஸ்டார்ட்-அப்களுக்கு சவாலான சூழலை உருவாக்கியுள்ளது.
சந்தை ஒருங்கிணைப்பு (Consolidation)
சந்தையில் தங்கள் இடத்தைப் பிடிக்க, பல முன்னணி நிறுவனங்கள் சிறிய நிறுவனங்களை வாங்கும் முயற்சியில் ஈடுபட்டுள்ளன. Cars24 நிறுவனம் CarInfo மற்றும் Vehicleinfo ஆகியவற்றை வாங்கியுள்ளது. அதேபோல் Roadzen, 91trucks ஆகிய நிறுவனங்களும் புதிய கையகப்படுத்துதல்களை முடித்துள்ளன.
இந்தத் துறை இப்போது முதிர்ச்சியடைந்த நிலையை நோக்கிச் செல்கிறது. இனி வரும் காலங்களில், வெறும் நிதி திரட்டுவதை மட்டும் நம்பியிருக்காமல், நிறுவனங்கள் தங்கள் செலவுகளைக் குறைத்து (Cash Burn), லாபத்தை (Unit Economics) எப்படி காட்டப்போகின்றன என்பதை பொறுத்திருந்துதான் பார்க்க வேண்டும்.