விவசாய ஏற்றுமதிக்கு அதிரடி திட்டம்: FTA மூலம் சர்வதேச சந்தையை பிடிக்க மத்திய அரசு முயற்சி

மத்திய அரசு விவசாயிகளுக்கு உதவும் வகையில் ஒரு புதிய விழிப்புணர்வு பிரச்சாரத்தை தொடங்கியுள்ளது. இது தொடர்பான தேசிய மாநாடு டெல்லியில் நடைபெற்ற நிலையில், மத்திய விவசாய அமைச்சர் ஷிவ்ராஜ் சிங் சவுகான் இந்த அறிவிப்பை வெளியிட்டார். பல நாடுகளில் இந்தியப் பொருட்களுக்கு வரிச்சலுகை (Duty-free) இருந்தாலும், அது குறித்த போதிய விழிப்புணர்வு இல்லாததால் விவசாயிகள் பல வாய்ப்புகளை இழந்து வருகின்றனர். இந்த இடைவெளியை நிரப்புவதே இந்த திட்டத்தின் முக்கிய நோக்கம்.

தரமே முக்கியம் (Quality Compliance)

வெறும் சந்தைகளை அடையாளம் காண்பது மட்டும் போதாது, சர்வதேச அளவில் உள்ள கடுமையான சுகாதார மற்றும் தரக்கட்டுப்பாட்டு (Sanitary and Phytosanitary standards) விதிமுறைகளை இந்திய விவசாயிகள் பின்பற்ற வேண்டும். கடந்த காலங்களில் பல சரக்குகள் தரமானவை இல்லை என்ற காரணத்தால் நிராகரிக்கப்பட்டன. இனி, அந்தந்த நாடுகளின் தர எதிர்பார்ப்புகள் குறித்த துல்லியமான தகவல்களை வழங்குவதன் மூலம், இந்திய விளைபொருட்கள் உலக அளவில் போட்டி போட அரசு வழிவகை செய்கிறது.

கொள்கையில் மாற்றம்

கடந்த 2014-ஆம் ஆண்டு முதல் இந்தியா 9 பெரிய வர்த்தக ஒப்பந்தங்களை முடித்துள்ளது. இதில் கடந்த ஏப்ரல் 2026-ல் கையெழுத்தான நியூசிலாந்து உடனான ஒப்பந்தம் மிக முக்கியமானது. உள்நாட்டு உற்பத்தியை மட்டும் கவனிப்பதை விட, ஏற்றுமதி சார்ந்த வளர்ச்சியை (Export-oriented growth) நோக்கி இந்திய விவசாயம் மாற வேண்டும் என்பதே அரசின் இலக்கு.

முதலீட்டாளர்கள் கவனத்திற்கு

இந்தத் திட்டம் காகித அளவில் மட்டுமல்லாமல், களத்தில் எவ்விதம் செயல்படுத்தப்படுகிறது என்பதுதான் முக்கியம். கோல்டு ஸ்டோரேஜ் (Cold storage) கட்டமைப்பு மற்றும் லாஜிஸ்டிக்ஸ் செலவுகளைக் குறைப்பது சவாலான காரியம். வரும் காலங்களில், இந்த விழிப்புணர்வுத் திட்டங்கள் ஏற்றுமதி வால்யூமில் எந்த அளவுக்கு மாற்றத்தை ஏற்படுத்துகிறது மற்றும் ஏற்றுமதி நிறுவனங்களின் லாப வரம்பு (Margins) உயர்கிறதா என்பதை முதலீட்டாளர்கள் உன்னிப்பாகக் கவனிக்க வேண்டும்.