ராஜஸ்தான், குஜராத் உள்ளிட்ட மாநிலங்களில் நிலவும் வறட்சியால் பயிர்கள் கருகும் அபாயம் ஏற்பட்டுள்ளது. இது rural வருமானம் மற்றும் rabi சீசன் விவசாயத்தை பாதிக்கும் என்பதால், சம்பந்தப்பட்ட நிறுவனங்களின் பங்குகளில் முதலீடு செய்தவர்கள் உஷாராக இருக்க வேண்டும்.
தென்மேற்கு பருவமழை விடைபெறும் நிலையில், இந்தியாவின் மேற்கு மற்றும் தெற்கு மாநிலங்களில் விவசாயம் கடும் சவாலை சந்தித்து வருகிறது. Mahalanobis National Crop Forecast Centre (NCFC) அறிக்கையின்படி, ராஜஸ்தான், குஜராத், மகாராஷ்டிரா, கர்நாடகா மற்றும் தமிழ்நாடு ஆகிய மாநிலங்கள் மழையின்றி வறட்சியை எதிர்கொண்டுள்ளன. அக்டோபர் தொடக்கத்திலும் மழையின்மை நீடிப்பதை India Meteorological Department (IMD) உறுதிப்படுத்தியுள்ளது.
செயற்கைக்கோள் கணிப்பு
செயற்கைக்கோள் தரவுகளின்படி, ராஜஸ்தான் மற்றும் குஜராத்தின் சில பகுதிகளில் பயிர்களின் ஆரோக்கியம் 30% வரை சரிந்துள்ளது. குறிப்பாக ஜெய்சல்மேர், பிகானேர் மற்றும் கட்ச் மாவட்டங்களில் நிலத்தடி ஈரப்பதம் (Root Zone Soil Moisture) மிகவும் குறைந்துள்ளதாக தரவுகள் காட்டுகின்றன.
முதலீட்டாளர்கள் என்ன செய்ய வேண்டும்?
இந்த சூழல் டிராக்டர் தயாரிப்பாளர்கள், உர நிறுவனங்கள் மற்றும் FMCG நிறுவனங்களுக்கு சவாலாக அமையும். பாசன வசதி குறைவாக உள்ள (25%-க்கும் கீழ்) மாநிலங்களில் இந்த பாதிப்பு அதிகமாக இருக்கும் என்பதால், அந்தந்த நிறுவனங்களின் விற்பனை விகிதம் குறைய வாய்ப்புள்ளது. மேலும், Central Water Commission அணைகளில் நீர் இருப்பு குறைவாக இருப்பதைச் சுட்டிக்காட்டியுள்ளது. இது அடுத்தகட்டமான 'ரபி' (Rabi) பயிர் சாகுபடியையும் பாதிக்கலாம்.
முதலீட்டாளர்கள், அணைகளின் நீர்மட்ட அளவு மற்றும் rabi பயிர் நடவு முன்னேற்றம் ஆகியவற்றை உன்னிப்பாகக் கவனிப்பது அவசியம்.