2025-ம் ஆண்டு நடைபெற்ற 'ஆபரேஷன் சிந்தூர்' மோதலின் போது, இந்தியாவின் S-400 ஏவுகணை அமைப்புகளைக் கண்டறிய பாகிஸ்தான் உளவு அமைப்புகள் மற்றும் ஸ்லீப்பர் செல்களைப் பயன்படுத்தியதாக முன்னாள் ஏர் மார்ஷல் ஜிதேந்திர மிஸ்ரா தெரிவித்துள்ளார்.
2025-ம் ஆண்டு மே மாதம் நடைபெற்ற எல்லை மோதலின் போது, இந்தியாவின் தற்காப்பு அரணான S-400 அமைப்புகளை முடக்க பாகிஸ்தான் மிகத்தீவிரமாகச் செயல்பட்டது. இது குறித்து முன்னாள் ஏர் மார்ஷல் ஜிதேந்திர மிஸ்ரா கூறுகையில், இந்திய எல்லைக்குள் ஊடுருவியிருந்த ஸ்லீப்பர் செல்கள் மற்றும் உளவு அமைப்புகளைப் பயன்படுத்தி பாகிஸ்தான் இந்த முயற்சியில் இறங்கியதாகக் குறிப்பிட்டுள்ளார்.
S-400 தற்காப்பு வளையம்
இந்த ஏவுகணை அமைப்பு 200 கிலோமீட்டர் சுற்றளவுக்கு வான்வெளி தற்காப்பு வளையத்தை (Air Exclusion Zone) உருவாக்கியது. பாகிஸ்தானின் விமானப்படைத் திட்டமிடுபவர்கள் இதைத் தங்கள் வான்வழி நடவடிக்கைகளுக்கு மிகப்பெரிய அச்சுறுத்தலாகக் கருதினர். இதனால், வெளிநாட்டு செயற்கைக்கோள் உதவியுடன் S-400-ன் இருப்பிடத்தைக் கண்டறிய பாகிஸ்தான் பெரும் முயற்சி செய்தது.
வரலாற்றில் இடம் பிடித்த 314கிமீ தாக்குதல்
இந்தியாவின் மொபைல் ஏவுகணை அமைப்புகளை பாகிஸ்தானால் கண்டறிய முடியவில்லை. மாறாக, இந்திய விமானப்படை பாகிஸ்தானின் Saab-2000 AWACS ரேடார் விமானத்தை 314 கிலோமீட்டர் தூரத்தில் வைத்து சுட்டு வீழ்த்தியது. இது ராணுவ வரலாற்றிலேயே மிக நீண்ட தூர ஏவுகணை தாக்குதலாக (Longest Surface-to-Air Missile Kill) கருதப்படுகிறது.
இந்தத் தாக்குதலால் பாகிஸ்தானின் வான்வழி கண்காணிப்பு முடங்கியது. இதனால் அந்த நாட்டின் ராணுவத் தளவாடங்கள் செயலிழந்து, இறுதியில் அவர்கள் போர் நிறுத்தத்திற்கு ஒப்புக்கொண்டனர் என்பது குறிப்பிடத்தக்கது.