IIT-Madras-இன் AstraYAN ஸ்டார்ட்-அப், இந்திய கடற்படையின் புதிய போர் கப்பல்களுக்கான (Corvettes) புரொபல்ஷன் சிஸ்டம் ஒப்பந்தத்தை வென்றுள்ளது. உலகளாவிய ஜாம்பவான்களை பின்னுக்கு தள்ளி இந்த ஒப்பந்தத்தை AstraYAN பெற்றுள்ளது.
இந்திய பாதுகாப்புத் துறையில் ஒரு புதிய மைல்கல்லாக, IIT-Madras-ல் உருவான AstraYAN நிறுவனம், கடற்படையின் 'Next Generation Corvettes' (NGC) திட்டத்திற்கான புரொபல்ஷன் சிஸ்டம் ஒருங்கிணைப்பு ஒப்பந்தத்தை பெற்றுள்ளது. சர்வதேச நிறுவனங்களான இத்தாலியின் Fincantieri மற்றும் ஜெர்மனியின் RENK ஆகியவற்றை பின்னுக்குத் தள்ளி, மிகக்குறைந்த விலைகேட்ட (L1) நிறுவனமாக AstraYAN தேர்வாகியுள்ளது.
ஒப்பந்தத்தின் முக்கியத்துவம்
இந்த ஒப்பந்தம் மத்திய பாதுகாப்பு அமைச்சகம் அறிவித்த ₹53,866.5 கோடி மதிப்பிலான பெரிய திட்டத்தின் ஒரு பகுதியாகும். இந்த திட்டத்தில் அரசு நிறுவனங்களான Garden Reach Shipbuilders & Engineers (GRSE) மற்றும் Goa Shipyard Limited (GSL) இணைந்து 8 கப்பல்களை உருவாக்க உள்ளன. இதில் GRSE 5 கப்பல்களையும், GSL 3 கப்பல்களையும் கட்டவுள்ளன. AstraYAN இந்த கப்பல்களுக்கு தேவையான சிக்கலான டீசல் மற்றும் கேஸ் டர்பைன் ஒருங்கிணைப்பு பணிகளை மேற்கொள்ளும்.
முதலீட்டாளர்கள் கவனிக்க வேண்டிய சவால்கள்
இந்த திட்டம் GRSE மற்றும் GSL நிறுவனங்களின் கப்பல் தயாரிப்பு காலக்கெடுவை நேரடியாக பாதிக்கும். இருப்பினும், ஒரு புதிய நிறுவனத்திற்கு இது மிகப்பெரிய சவால். AstraYAN 2025-ல் தான் தொடங்கப்பட்ட ஒரு தனியார் நிறுவனம் என்பதால், இவ்வளவு பெரிய கடற்படை திட்டத்தை கையாளுவதில் போதிய அனுபவம் இல்லை என்பது முதலீட்டாளர்களுக்கு ஒரு கவலையாக உள்ளது.
தற்போது விலை பேச்சுவார்த்தை (Price Negotiation) நடந்து வருகிறது, இது அடுத்த 1 மாதத்தில் முடிவடையும் என எதிர்பார்க்கப்படுகிறது. இந்த ஒப்பந்தத்தை AstraYAN எவ்வாறு வெற்றிகரமாக முடிக்கிறது என்பதுதான் அதன் எதிர்கால வணிக வளர்ச்சிக்கு மிக முக்கியமானது.