Operation Sindoor வெற்றியைத் தொடர்ந்து BrahMos ஏவுகணைகளுக்கான உலகளாவிய தேவை அதிகரித்துள்ளது. பிலிப்பைன்ஸ், வியட்நாம் மற்றும் இந்தோனேசியா போன்ற நாடுகள் இந்திய தயாரிப்பில் ஆர்வம் காட்டி வருகின்றன.
உலக அரங்கில் இந்தியாவின் ஆதிக்கம்
'Operation Sindoor' நடவடிக்கையில் பிரம்மோஸ் ஏவுகணைகளின் துல்லியமான செயல்பாடு, இந்திய தயாரிப்பு ஆயுதங்கள் மீதான உலகளாவிய பார்வையை மாற்றியுள்ளது. குறிப்பாக, Sukhoi-30MKI போர் விமானங்களில் பொருத்தப்பட்டு, ரடார்களுக்கு சிக்காமல் இலக்கை தாக்கும் திறன், இந்த ஏவுகணையை ஒரு சக்திவாய்ந்த ஆயுதமாக மாற்றியுள்ளது.
உற்பத்தியை விரிவுபடுத்தும் பிரம்மோஸ்
இந்த சர்வதேச தேவையை பூர்த்தி செய்ய, BrahMos Aerospace தனது உற்பத்தி கட்டமைப்பை தீவிரமாக விரிவுபடுத்தி வருகிறது. தற்போது பிலானி, நாக்பூர் மற்றும் லக்னோவில் உள்ள தொழிற்சாலைகள் மூலம் உற்பத்தி பணிகள் நடைபெறுகின்றன. இதில் 300-க்கும் மேற்பட்ட குறு, சிறு மற்றும் நடுத்தர நிறுவனங்கள் (MSMEs) ஒரு பெரிய சப்ளை செயின் நெட்வொர்க்காக செயல்படுகின்றன.
முதலீட்டாளர்கள் கவனத்திற்கு
BrahMos Aerospace ஒரு கூட்டு முயற்சி நிறுவனம் என்பதால், இது நேரடியாக பங்குச்சந்தையில் பட்டியலிடப்படவில்லை. இருப்பினும், இந்த நிறுவனத்தின் வளர்ச்சி இந்திய பாதுகாப்புத் துறை சார்ந்த நிறுவனங்களுக்கு ஒரு நல்ல அறிகுறியாகும். குறிப்பாக, வான்வெளி மற்றும் பாதுகாப்புத் தளவாடங்கள் தயாரிப்பில் ஈடுபட்டுள்ள பொதுத்துறை மற்றும் தனியார் துறை நிறுவனங்கள், இந்த சப்ளை செயினில் முக்கிய பங்கு வகிக்கின்றன. எதிர்காலத்தில் இத்தகைய நிறுவனங்களின் உற்பத்தி திறன் மற்றும் ஏற்றுமதி வாய்ப்புகள் அதிகரிக்கும் போது, அதன் பலன் முதலீட்டாளர்களுக்கு சாதகமாக அமைய வாய்ப்புள்ளது.