Trump ਦਾ ਵੱਡਾ ਐਕਸ਼ਨ: CNN, Politico ਅਤੇ MS NOW ਦੀ ਵ੍ਹਾਈਟ ਹਾਊਸ ਐਂਟਰੀ 'ਤੇ ਲਾਈ ਪਾਬੰਦੀ

ਵ੍ਹਾਈਟ ਹਾਊਸ ਪ੍ਰਸ਼ਾਸਨ ਨੇ ਇਨ੍ਹਾਂ ਤਿੰਨ ਵੱਡੇ ਮੀਡੀਆ ਅਦਾਰਿਆਂ 'ਤੇ ਸਖ਼ਤ ਕਾਰਵਾਈ ਕਰਦੇ ਹੋਏ ਉਨ੍ਹਾਂ ਦੀ ਪ੍ਰੈਸ ਐਕਸੈਸ ਖਤਮ ਕਰ ਦਿੱਤੀ ਹੈ। ਰਾਸ਼ਟਰਪਤੀ Trump ਦਾ ਕਹਿਣਾ ਹੈ ਕਿ ਇਹ ਫੈਸਲਾ ਵਾਰ-ਵਾਰ ਗਲਤ ਖ਼ਬਰਾਂ ਪ੍ਰਸਾਰਿਤ ਕਰਨ ਦੇ ਕਾਰਨ ਲਿਆ ਗਿਆ ਹੈ। ਉਨ੍ਹਾਂ ਨੇ ਚਿਤਾਵਨੀ ਦਿੱਤੀ ਹੈ ਕਿ ਆਉਣ ਵਾਲੇ ਸਮੇਂ ਵਿੱਚ ਹੋਰ ਵੀ ਮੀਡੀਆ ਚੈਨਲਾਂ 'ਤੇ ਅਜਿਹੀਆਂ ਪਾਬੰਦੀਆਂ ਲੱਗ ਸਕਦੀਆਂ ਹਨ।

ਨਿਵੇਸ਼ਕਾਂ ਲਈ ਚਿੰਤਾ ਦਾ ਵਿਸ਼ਾ

ਇਸ ਕਾਰਵਾਈ ਨੇ ਮੀਡੀਆ ਸੈਕਟਰ ਵਿੱਚ ਹਲਚਲ ਮਚਾ ਦਿੱਤੀ ਹੈ। ਐਕਸੈਸ ਨਾ ਹੋਣ ਕਾਰਨ ਇਨ੍ਹਾਂ ਕੰਪਨੀਆਂ ਦੀ ਰਿਪੋਰਟਿੰਗ ਅਤੇ ਵਿਊਅਰਸ਼ਿਪ 'ਤੇ ਅਸਰ ਪੈ ਸਕਦਾ ਹੈ, ਜਿਸਦਾ ਸਿੱਧਾ ਅਸਰ ਇਸ਼ਤਿਹਾਰਾਂ ਤੋਂ ਹੋਣ ਵਾਲੀ ਕਮਾਈ 'ਤੇ ਪੈਣ ਦਾ ਡਰ ਹੈ। ਸਟਾਕ ਮਾਰਕੀਟ ਦੇ ਮਾਹਿਰਾਂ ਦਾ ਮੰਨਣਾ ਹੈ ਕਿ ਅਜਿਹੀ ਰਾਜਨੀਤਿਕ ਦਖਲਅੰਦਾਜ਼ੀ ਕਾਰਨ ਮੀਡੀਆ ਸ਼ੇਅਰਾਂ ਵਿੱਚ ਵੋਲਾਟਿਲਿਟੀ (Volatality) ਵਧ ਸਕਦੀ ਹੈ।

ਕਾਨੂੰਨੀ ਅੜਿੱਕੇ ਅਤੇ ਵਿਰੋਧ

ਡੈਮੋਕ੍ਰੇਟਿਕ ਆਗੂ Frank Pallone ਨੇ ਇਸ ਨੂੰ ਪ੍ਰੈਸ ਦੀ ਆਜ਼ਾਦੀ 'ਤੇ ਹਮਲਾ ਕਰਾਰ ਦਿੱਤਾ ਹੈ। ਕਾਨੂੰਨੀ ਮਾਹਿਰਾਂ ਦਾ ਕਹਿਣਾ ਹੈ ਕਿ 2019 ਵਿੱਚ ਅਦਾਲਤ ਵੱਲੋਂ ਦਿੱਤੇ ਇੱਕ ਫੈਸਲੇ ਅਨੁਸਾਰ ਅਜਿਹੀਆਂ ਪਾਬੰਦੀਆਂ ਨੂੰ ਚੁਣੌਤੀ ਦਿੱਤੀ ਜਾ ਸਕਦੀ ਹੈ। ਨਾਲ ਹੀ, ਪ੍ਰਸ਼ਾਸਨ ਦਾ Federal Communications Commission (FCC) ਨੂੰ ਜਾਂਚ ਕਰਨ ਲਈ ਕਹਿਣਾ ਮੀਡੀਆ ਕੰਪਨੀਆਂ ਲਈ ਇੱਕ ਹੋਰ ਰੈਗੂਲੇਟਰੀ ਜੋਖਮ (Regulatory Risk) ਬਣ ਗਿਆ ਹੈ।

ਹੁਣ ਨਿਵੇਸ਼ਕਾਂ ਦੀ ਨਜ਼ਰ ਇਸ ਗੱਲ 'ਤੇ ਹੈ ਕਿ ਆਉਣ ਵਾਲੇ ਦਿਨਾਂ ਵਿੱਚ ਅਦਾਲਤੀ ਲੜਾਈ ਕੀ ਮੋੜ ਲੈਂਦੀ ਹੈ ਅਤੇ ਕੀ ਇਹ ਪਾਬੰਦੀਆਂ ਕਾਇਮ ਰਹਿੰਦੀਆਂ ਹਨ ਜਾਂ ਰੱਦ ਹੁੰਦੀਆਂ ਹਨ।