ਪਤਨੀ ਦੇ ਨਾਮ 'ਤੇ ਸੋਨਾ ਖਰੀਦਣਾ ਪਵੇਗਾ ਮਹਿੰਗਾ! ਟੈਕਸ ਦੇ ਨਿਯਮਾਂ ਬਾਰੇ ਜਾਣੋ ਜ਼ਰੂਰੀ ਗੱਲਾਂ

ਭਾਰਤੀ ਘਰਾਂ ਵਿੱਚ ਤਿਉਹਾਰਾਂ ਦੌਰਾਨ ਪਤਨੀ ਦੇ ਨਾਮ 'ਤੇ ਸੋਨਾ ਖਰੀਦਣਾ ਇੱਕ ਆਮ ਰਿਵਾਜ ਹੈ। ਬਹੁਤ ਸਾਰੇ ਲੋਕਾਂ ਦਾ ਮੰਨਣਾ ਹੈ ਕਿ ਅਜਿਹਾ ਕਰਨ ਨਾਲ ਟੈਕਸ ਬਚਾਇਆ ਜਾ ਸਕਦਾ ਹੈ, ਪਰ ਇਨਕਮ ਟੈਕਸ ਐਕਟ ਦੇ ਨਿਯਮ ਬਹੁਤ ਸਖ਼ਤ ਹਨ।

'ਕਲੱਬਿੰਗ ਪ੍ਰੋਵੀਜ਼ਨ' ਦਾ ਚੱਕਰ

ਇਨਕਮ ਟੈਕਸ ਦੇ ਨਿਯਮਾਂ ਮੁਤਾਬਕ, ਜੇਕਰ ਤੁਸੀਂ ਆਪਣੀ ਪਤਨੀ ਨੂੰ ਪੈਸੇ ਦਿੰਦੇ ਹੋ ਅਤੇ ਉਹ ਉਸ ਨਾਲ ਸੋਨਾ ਖਰੀਦਦੀ ਹੈ, ਤਾਂ ਉਹ ਪੈਸਾ ਤਾਂ ਟੈਕਸ-ਫ੍ਰੀ ਹੈ, ਪਰ ਜਦੋਂ ਭਵਿੱਖ ਵਿੱਚ ਉਹ ਸੋਨਾ ਵੇਚਿਆ ਜਾਵੇਗਾ, ਤਾਂ ਉਸ 'ਤੇ ਹੋਣ ਵਾਲਾ Capital Gain (ਮੁਨਾਫਾ) ਪਤੀ ਦੀ ਇਨਕਮ ਵਿੱਚ ਹੀ ਜੋੜਿਆ ਜਾਵੇਗਾ। ਇਸਨੂੰ 'ਕਲੱਬਿੰਗ ਆਫ ਇਨਕਮ' ਕਿਹਾ ਜਾਂਦਾ ਹੈ, ਜੋ ਕਿ ਟੈਕਸ ਚੋਰੀ ਰੋਕਣ ਲਈ ਬਣਾਇਆ ਗਿਆ ਹੈ।

ਟੈਕਸ ਰੇਟ ਅਤੇ ਜ਼ਰੂਰੀ ਕਾਗਜ਼ੀ ਕਾਰਵਾਈ

ਸੋਨੇ 'ਤੇ ਟੈਕਸ ਇਸ ਗੱਲ 'ਤੇ ਨਿਰਭਰ ਕਰਦਾ ਹੈ ਕਿ ਉਹ ਕਿੰਨੀ ਦੇਰ ਕੋਲ ਰਿਹਾ। ਜੇਕਰ ਸੋਨਾ 24 ਮਹੀਨਿਆਂ ਤੋਂ ਘੱਟ ਸਮੇਂ ਲਈ ਰੱਖਿਆ ਜਾਂਦਾ ਹੈ, ਤਾਂ ਇਹ ਸ਼ਾਰਟ-ਟਰਮ ਗੇਨ ਹੈ ਜੋ ਤੁਹਾਡੇ ਇਨਕਮ ਟੈਕਸ ਸਲੈਬ ਮੁਤਾਬਕ ਟੈਕਸ ਹੁੰਦਾ ਹੈ। 24 ਮਹੀਨਿਆਂ ਤੋਂ ਵੱਧ ਰੱਖਣ 'ਤੇ ਇਸ 'ਤੇ 12.5% ਦਾ ਫਲੈਟ ਟੈਕਸ ਲੱਗਦਾ ਹੈ। ਇਸ ਲਈ, ਆਪਣੇ ਕੋਲ ਬੈਂਕ ਸਟੇਟਮੈਂਟਾਂ ਅਤੇ ਖਰੀਦ ਦੇ ਇਨਵੌਇਸ ਜ਼ਰੂਰ ਰੱਖੋ, ਤਾਂ ਜੋ ਟੈਕਸ ਵਿਭਾਗ ਦੀ ਪੁੱਛਗਿੱਛ ਦੌਰਾਨ ਮੁਸ਼ਕਿਲ ਨਾ ਆਵੇ।

CBDT ਦੇ ਨਿਯਮ ਅਤੇ ਸੀਮਾ

ਟੈਕਸ ਰੇਡ (Tax Raid) ਦੌਰਾਨ ਸੋਨਾ ਜ਼ਬਤ ਨਾ ਹੋਵੇ, ਇਸ ਲਈ CBDT ਨੇ ਕੁਝ ਹੱਦਾਂ ਤੈਅ ਕੀਤੀਆਂ ਹਨ:

• ਵਿਆਹੁਤਾ ਔਰਤਾਂ: 500 ਗ੍ਰਾਮ ਤੱਕ
• ਕੁਆਰੀਆਂ ਔਰਤਾਂ: 250 ਗ੍ਰਾਮ ਤੱਕ
• ਪੁਰਸ਼: 100 ਗ੍ਰਾਮ ਤੱਕ

ਯਾਦ ਰੱਖੋ, ਭਾਵੇਂ ਤੁਹਾਡੇ ਕੋਲ ਇਨ੍ਹਾਂ ਸੀਮਾਵਾਂ ਦੇ ਅੰਦਰ ਸੋਨਾ ਹੈ, ਪਰ ਜੇਕਰ ਤੁਸੀਂ ਇਸਦੀ ਖਰੀਦ ਦਾ ਸੋਰਸ ਆਫ ਫੰਡ (Source of Fund) ਸਾਬਤ ਨਹੀਂ ਕਰ ਸਕਦੇ, ਤਾਂ ਟੈਕਸ ਵਿਭਾਗ ਫਿਰ ਵੀ ਕਾਰਵਾਈ ਕਰ ਸਕਦਾ ਹੈ।