FSSAI (ਫੂਡ ਸੇਫਟੀ ਐਂਡ ਸਟੈਂਡਰਡਜ਼ ਅਥਾਰਟੀ ਆਫ ਇੰਡੀਆ) ਨੇ ਦਿੱਲੀ ਦੇ Park Plaza ਹੋਟਲ ਦਾ ਲਾਇਸੈਂਸ ਮੁਅੱਤਲ (Suspend) ਕਰ ਦਿੱਤਾ ਹੈ। ਜਾਂਚ ਦੌਰਾਨ ਹੋਟਲ 'ਚੋਂ ਐਕਸਪਾਇਰੀ (Expiry) ਹੋ ਚੁੱਕਾ ਖਾਣਾ ਅਤੇ ਸਫਾਈ ਦੀਆਂ ਵੱਡੀਆਂ ਕਮੀਆਂ ਪਾਈਆਂ ਗਈਆਂ।
FSSAI ਵੱਲੋਂ ਸਖ਼ਤ ਕਾਰਵਾਈ
Food Safety and Standards Authority of India (FSSAI) ਨੇ ਦਿੱਲੀ ਦੇ ਸ਼ਾਹਦਰਾ ਸਥਿਤ Park Plaza ਹੋਟਲ 'ਤੇ ਵੱਡੀ ਕਾਰਵਾਈ ਕਰਦੇ ਹੋਏ ਇਸਦੇ ਫੂਡ ਬਿਜ਼ਨਸ ਲਾਇਸੈਂਸ ਨੂੰ ਮੁਅੱਤਲ ਕਰ ਦਿੱਤਾ ਹੈ। ਇਹ ਫੈਸਲਾ ਹੋਟਲ ਦੇ ਅੰਦਰ ਕੀਤੀ ਗਈ ਵਿਆਪਕ ਜਾਂਚ ਤੋਂ ਬਾਅਦ ਲਿਆ ਗਿਆ ਹੈ, ਜਿਸ ਦੌਰਾਨ ਭੋਜਨ ਦੀ ਗੁਣਵੱਤਾ ਅਤੇ ਸੁਰੱਖਿਆ ਨੂੰ ਲੈ ਕੇ ਕਈ ਗੰਭੀਰ ਚਿੰਤਾਵਾਂ ਸਾਹਮਣੇ ਆਈਆਂ ਹਨ।
ਕੀ-ਕੀ ਪਾਇਆ ਗਿਆ?
ਜਾਂਚ ਅਧਿਕਾਰੀਆਂ ਨੇ ਹੋਟਲ ਦੇ ਰਸੋਈ ਘਰ 'ਚ ਕਈ ਵੱਡੀਆਂ ਗੜਬੜੀਆਂ ਫੜੀਆਂ। ਰਿਪੋਰਟਾਂ ਮੁਤਾਬਕ, ਖਾਣਾ ਬਣਾਉਣ ਲਈ ਖਰਾਬ ਹੋ ਚੁੱਕੇ ਤੇਲ ਦੀ ਵਰਤੋਂ ਕੀਤੀ ਜਾ ਰਹੀ ਸੀ, ਜੋ ਕਿ ਇਨਸਾਨਾਂ ਲਈ ਬਿਲਕੁਲ ਵੀ ਸਹੀ ਨਹੀਂ ਸੀ। ਇੰਨਾ ਹੀ ਨਹੀਂ, ਲਗਭਗ 63.60 ਕਿਲੋਗ੍ਰਾਮ ਐਕਸਪਾਇਰਡ (Expired) ਹੋ ਚੁੱਕਾ ਖਾਣ-ਪੀਣ ਦਾ ਸਾਮਾਨ ਵੀ ਰਸੋਈ 'ਚ ਵਰਤੋਂ ਲਈ ਰੱਖਿਆ ਹੋਇਆ ਮਿਲਿਆ।
ਸਫਾਈ ਦੇ ਹਾਲਾਤ ਵੀ ਬਹੁਤ ਚਿੰਤਾਜਨਕ ਪਾਏ ਗਏ। ਤਾਜ਼ੇ ਸਬਜ਼ੀਆਂ ਜਿਵੇਂ ਟਮਾਟਰ ਅਤੇ ਨਿੰਬੂ 'ਤੇ ਫੰਗਸ (Fungal Growth) ਲੱਗੀ ਹੋਈ ਸੀ। ਇਸ ਤੋਂ ਇਲਾਵਾ, ਚੂਹੇ ਅਤੇ ਕਾਕਰੋਚ (Cockroaches) ਵਰਗੇ ਕੀਟਾਣੂਆਂ ਦਾ ਕਹਿਰ ਸੀ। ਸਟੋਰੇਜ ਚਿਲਰਾਂ 'ਚ ਪਾਣੀ ਲੀਕ ਹੋ ਰਿਹਾ ਸੀ ਅਤੇ ਫਰਸ਼ ਦੀਆਂ ਟਾਈਲਾਂ ਟੁੱਟੀਆਂ ਹੋਣ ਕਾਰਨ ਪਾਣੀ ਜਮ੍ਹਾਂ ਹੋ ਰਿਹਾ ਸੀ। ਇਹ ਸਭ ਦੇਖਦੇ ਹੋਏ, ਅਥਾਰਟੀ ਨੇ ਇਹ ਸਿੱਟਾ ਕੱਢਿਆ ਕਿ ਹੋਟਲ ਬਹੁਤ ਹੀ ਅਸਵੱਛ ਹਾਲਾਤਾਂ 'ਚ ਚੱਲ ਰਿਹਾ ਸੀ।
ਅੱਗੇ ਕੀ?
FSSAI ਨੇ Park Plaza ਹੋਟਲ ਦੇ ਮੈਨੇਜਮੈਂਟ ਨੂੰ ਇਨ੍ਹਾਂ ਸਾਰੀਆਂ ਕਮੀਆਂ ਨੂੰ 15 ਦਿਨਾਂ ਦੇ ਅੰਦਰ-ਅੰਦਰ ਠੀਕ ਕਰਨ ਦਾ ਮੌਕਾ ਦਿੱਤਾ ਹੈ। ਜੇਕਰ ਹੋਟਲ ਨਿਰਧਾਰਿਤ ਮਾਪਦੰਡਾਂ ਨੂੰ ਪੂਰਾ ਕਰਨ 'ਚ ਸਫਲ ਨਹੀਂ ਹੁੰਦਾ, ਤਾਂ ਇਸਦਾ ਲਾਇਸੈਂਸ ਪੱਕੇ ਤੌਰ 'ਤੇ ਰੱਦ ਕੀਤਾ ਜਾ ਸਕਦਾ ਹੈ। ਇਹ ਕਾਰਵਾਈ ਦੇਸ਼ ਭਰ 'ਚ ਖਾਣ-ਪੀਣ ਦੀਆਂ ਚੀਜ਼ਾਂ ਦੀ ਗੁਣਵੱਤਾ ਯਕੀਨੀ ਬਣਾਉਣ ਲਈ FSSAI ਦੇ ਚੱਲ ਰਹੇ ਵੱਡੇ ਅਭਿਆਨ ਦਾ ਹਿੱਸਾ ਹੈ।