Income Tax Appellate Tribunal (ITAT) ਨੇ ਇੱਕ ਅਹਿਮ ਫੈਸਲਾ ਸੁਣਾਉਂਦੇ ਹੋਏ ਸਪੱਸ਼ਟ ਕੀਤਾ ਹੈ ਕਿ ਆਨਲਾਈਨ ਗੇਮਿੰਗ ਵਿੱਚ ਟੈਕਸ ਸਿਰਫ਼ ਅਸਲ ਮੁਨਾਫੇ (Net Winnings) 'ਤੇ ਹੀ ਲੱਗੇਗਾ, ਨਾ ਕਿ ਗ੍ਰਾਸ ਡਿਪਾਜ਼ਿਟ 'ਤੇ।
ITAT Bangalore ਨੇ Arakere Channappa Vishwanath ਬਨਾਮ ITO ਦੇ ਮਾਮਲੇ ਵਿੱਚ ਇਹ ਫੈਸਲਾ ਸੁਣਾ ਕੇ ਗੇਮਿੰਗ ਪ੍ਰੇਮੀਆਂ ਨੂੰ ਵੱਡੀ ਰਾਹਤ ਦਿੱਤੀ ਹੈ। ਅਦਾਲਤ ਨੇ ਸਾਫ਼ ਕਿਹਾ ਹੈ ਕਿ ਗੇਮਿੰਗ ਵਾਲਿਟ ਵਿੱਚ ਪੈਸਿਆਂ ਦਾ ਆਉਣਾ-ਜਾਣਾ ਟੈਕਸਯੋਗ ਆਮਦਨ ਨਹੀਂ ਹੈ, ਜਦੋਂ ਤੱਕ ਕੋਈ ਅਸਲ ਮੁਨਾਫਾ ਨਾ ਹੋਵੇ।
ਕੀ ਸੀ ਪੂਰਾ ਮਾਮਲਾ?
ਪਹਿਲਾਂ ਟੈਕਸ ਵਿਭਾਗ ਗ੍ਰਾਸ ਵਿਨਿੰਗਸ ਦੇ ਆਧਾਰ 'ਤੇ ਟੈਕਸ ਮੰਗ ਰਿਹਾ ਸੀ। ਇਸ ਕੇਸ ਵਿੱਚ, ਟੈਕਸਦਾਤਾ ਨੂੰ ₹2.33 ਕਰੋੜ ਦੀਆਂ ਕੁੱਲ ਜਿੱਤਾਂ 'ਤੇ ਟੈਕਸ ਭਰਨ ਲਈ ਕਿਹਾ ਗਿਆ ਸੀ, ਜਦੋਂ ਕਿ ਅਸਲ ਵਿੱਚ ਉਸਨੂੰ ₹28 ਲੱਖ ਦਾ ਨੁਕਸਾਨ ਹੋਇਆ ਸੀ। ITAT ਨੇ ਇਸ ਪਹੁੰਚ ਨੂੰ ਗਲਤ ਦੱਸਦੇ ਹੋਏ ਕਿਹਾ ਕਿ ਟੈਕਸ ਸਿਰਫ਼ 'Real Income' 'ਤੇ ਹੀ ਲੱਗ ਸਕਦਾ ਹੈ।
ਨਿਵੇਸ਼ਕਾਂ ਅਤੇ ਖਿਡਾਰੀਆਂ ਲਈ ਜ਼ਰੂਰੀ ਸਲਾਹ
ਭਾਵੇਂ ਇਹ ਫੈਸਲਾ ਰਾਹਤ ਦੇਣ ਵਾਲਾ ਹੈ, ਪਰ ਟੈਕਸਦਾਤਾਵਾਂ ਨੂੰ ਸਾਵਧਾਨ ਰਹਿਣ ਦੀ ਲੋੜ ਹੈ। ਇਸ ਦਾ ਲਾਭ ਲੈਣ ਲਈ:
- ਆਪਣੇ ਗੇਮਿੰਗ ਟ੍ਰਾਂਜੈਕਸ਼ਨਾਂ ਦਾ ਪੂਰਾ ਰਿਕਾਰਡ ਰੱਖੋ।
- ਬੈਂਕ ਸਟੇਟਮੈਂਟਾਂ ਅਤੇ ਵਾਲਿਟ ਹਿਸਟਰੀ ਸੰਭਾਲ ਕੇ ਰੱਖੋ।
- ਜੇਕਰ ਤੁਹਾਡੇ ਕੋਲ ਸਬੂਤ ਨਹੀਂ ਹਨ, ਤਾਂ ਟੈਕਸ ਵਿਭਾਗ ਤੁਹਾਡੇ 'ਤੇ ਸਖ਼ਤੀ ਕਰ ਸਕਦਾ ਹੈ।
ਇਹ ਫੈਸਲਾ ਸੈਕਸ਼ਨ 115BBJ ਅਤੇ 194BA ਦੇ ਅਧੀਨ ਆਉਂਦਾ ਹੈ, ਜੋ ਕਿ FY23-24 ਤੋਂ ਲਾਗੂ ਹਨ। ਇਹ ਨਿਰਣਾ ਪੁਰਾਣੇ ਕੇਸਾਂ ਦੇ ਨਿਪਟਾਰੇ ਲਈ ਇੱਕ ਮਜ਼ਬੂਤ ਕਾਨੂੰਨੀ ਆਧਾਰ ਬਣੇਗਾ।