Maharashtra Food and Drug Administration (FDA) ਨੇ 'Goree Beauty Cream', 'Face Fresh Gold', ਅਤੇ 'Golden Star Beauty Cream' 'ਤੇ ਤੁਰੰਤ ਪਾਬੰਦੀ ਲਗਾ ਦਿੱਤੀ ਹੈ। ਲੈਬ ਟੈਸਟਾਂ ਵਿੱਚ ਇਨ੍ਹਾਂ ਕ੍ਰੀਮਾਂ ਵਿੱਚ ਪਾਰਾ (Mercury) ਅਤੇ ਸੀਸਾ (Lead) ਦੀ ਖਤਰਨਾਕ ਮਾਤਰਾ ਪਾਈ ਗਈ ਹੈ, ਜੋ ਕਿ ਸਿਹਤ ਲਈ ਬਹੁਤ ਹਾਨੀਕਾਰਕ ਹੈ।
Maharashtra Food and Drug Administration (FDA) ਵੱਲੋਂ ਚਮੜੀ ਨੂੰ ਗੋਰਾ ਕਰਨ ਵਾਲੀਆਂ ਤਿੰਨ ਮਸ਼ਹੂਰ ਕ੍ਰੀਮਾਂ - Goree Beauty Cream, Face Fresh Gold, ਅਤੇ Golden Star Beauty Cream 'ਤੇ ਤੁਰੰਤ ਪ੍ਰਭਾਵ ਨਾਲ ਪਾਬੰਦੀ ਲਾ ਦਿੱਤੀ ਗਈ ਹੈ।
ਸਿਹਤ ਲਈ ਖਤਰਨਾਕ ਤੱਤ
FDA ਦੁਆਰਾ ਕੀਤੀ ਗਈ ਲੈਬ ਜਾਂਚ ਵਿੱਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਇਨ੍ਹਾਂ ਕ੍ਰੀਮਾਂ ਵਿੱਚ ਪਾਰਾ (Mercury) ਅਤੇ ਸੀਸਾ (Lead) ਵਰਗੇ ਜਹਿਰੀਲੇ ਤੱਤ ਸੁਰੱਖਿਆ ਮਾਪਦੰਡਾਂ ਤੋਂ ਕਈ ਗੁਣਾ ਜ਼ਿਆਦਾ ਮਾਤਰਾ ਵਿੱਚ ਮੌਜੂਦ ਹਨ। ਇਸ ਕਾਰਨ ਇਨ੍ਹਾਂ ਨੂੰ 'ਮਿਆਰੀ ਨਹੀਂ' (Not of Standard Quality) ਕਰਾਰ ਦਿੱਤਾ ਗਿਆ ਹੈ। ਸੂਬੇ ਦੀ ਸਿਹਤ ਏਜੰਸੀ ਨੇ ਸਾਰੇ ਥੋਕ ਵਿਕਰੇਤਾਵਾਂ (Wholesalers), ਪ੍ਰਚੂਨ ਵਿਕਰੇਤਾਵਾਂ (Retailers) ਅਤੇ ਈ-ਕਾਮਰਸ ਪਲੇਟਫਾਰਮਾਂ ਨੂੰ ਇਨ੍ਹਾਂ ਉਤਪਾਦਾਂ ਨੂੰ ਤੁਰੰਤ ਬਾਜ਼ਾਰ ਵਿੱਚੋਂ ਵਾਪਸ ਲੈਣ ਅਤੇ ਸਾਰੇ ਤਰ੍ਹਾਂ ਦੀ ਵੰਡ ਰੋਕਣ ਦੇ ਹੁਕਮ ਜਾਰੀ ਕੀਤੇ ਹਨ।
ਬਿਮਾਰੀਆਂ ਦਾ ਖਤਰਾ
ਮੈਡੀਕਲ ਰਿਪੋਰਟਾਂ ਮੁਤਾਬਕ, ਨਾਗਪੁਰ ਵਿੱਚ 18 ਮਰੀਜ਼ਾਂ ਵਿੱਚ ਪਾਈਆਂ ਗਈਆਂ ਗੰਭੀਰ ਸਿਹਤ ਸਮੱਸਿਆਵਾਂ ਦਾ ਸੰਬੰਧ Goree Beauty Cream ਦੇ ਲਗਾਤਾਰ ਇਸਤੇਮਾਲ ਨਾਲ ਜੋੜਿਆ ਗਿਆ ਹੈ। ਡਾਕਟਰਾਂ ਨੇ ਕਿਡਨੀ (Kidney) ਅਤੇ ਨਰਵਸ ਸਿਸਟਮ (Nervous System) ਨੂੰ ਹੋਣ ਵਾਲੇ ਸੰਭਾਵੀ ਨੁਕਸਾਨ ਬਾਰੇ ਚਿੰਤਾ ਪ੍ਰਗਟਾਈ ਹੈ। ਪਾਰਾ ਚਮੜੀ ਨੂੰ ਸਨੈਟੀ ਕਰਨ ਲਈ ਵਰਤਿਆ ਜਾਂਦਾ ਹੈ ਪਰ ਇਹ ਸਰੀਰ ਵਿੱਚ ਇਕੱਠਾ ਹੋ ਕੇ ਲੰਬੇ ਸਮੇਂ ਵਿੱਚ ਨੁਕਸਾਨ ਪਹੁੰਚਾ ਸਕਦਾ ਹੈ। ਪਾਰਾ ਅਤੇ ਸੀਸਾ ਦੇ ਜ਼ਿਆਦਾ ਸੰਪਰਕ ਵਿੱਚ ਆਉਣ ਨਾਲ ਦਿਮਾਗੀ ਕਮਜ਼ੋਰੀ, ਕੰਬਣੀ, ਯਾਦਾਸ਼ਤ ਦਾ ਕਮਜ਼ੋਰ ਹੋਣਾ ਅਤੇ ਗੰਭੀਰ ਕਿਡਨੀ ਰੋਗ ਹੋ ਸਕਦੇ ਹਨ।
ਆਨਲਾਈਨ ਵਿਕਰੀ ਅਤੇ ਚੁਣੌਤੀਆਂ
FDA ਦੀ ਜਾਂਚ ਵਿੱਚ ਇਹ ਵੀ ਪਾਇਆ ਗਿਆ ਕਿ ਇਨ੍ਹਾਂ ਉਤਪਾਦਾਂ 'ਤੇ ਬੈਚ ਨੰਬਰ, ਬਣਾਉਣ ਦੀ ਮਿਤੀ ਅਤੇ ਨਿਰਮਾਤਾ (Manufacturer) ਬਾਰੇ ਜ਼ਰੂਰੀ ਜਾਣਕਾਰੀ ਨਹੀਂ ਦਿੱਤੀ ਗਈ ਸੀ। ਇੱਕ ਵੱਡੀ ਚੁਣੌਤੀ ਇਹ ਹੈ ਕਿ ਇਹ ਪਾਬੰਦੀਸ਼ੁਦਾ ਉਤਪਾਦ ਅਜੇ ਵੀ ਕਈ ਈ-ਕਾਮਰਸ ਵੈੱਬਸਾਈਟਾਂ 'ਤੇ ਉਪਲਬਧ ਹਨ। FDA ਨੇ ਆਨਲਾਈਨ ਬਾਜ਼ਾਰਾਂ ਨੂੰ ਇਨ੍ਹਾਂ ਚੀਜ਼ਾਂ ਨੂੰ ਹਟਾਉਣ ਅਤੇ ਵਾਪਸ ਮੰਗਵਾਏ ਗਏ ਸਟਾਕ ਦਾ ਪੂਰਾ ਵੇਰਵਾ ਦੇਣ ਦਾ ਨਿਰਦੇਸ਼ ਦਿੱਤਾ ਹੈ। ਇਹ ਦੇਖਣਾ ਹੋਵੇਗਾ ਕਿ ਅਧਿਕਾਰੀਆਂ ਵੱਲੋਂ ਇਸ ਸਪਲਾਈ ਚੇਨ ਦੀ ਜਾਂਚ ਵਿੱਚ ਕੀ ਨਵੇਂ ਖੁਲਾਸੇ ਹੁੰਦੇ ਹਨ।