Utssav CZ Gold Jewels: ਨਿਵੇਸ਼ਕਾਂ ਦੀ ਹੋਵੇਗੀ ਚਾਂਦੀ! ਕੰਪਨੀ ਨੇ ਐਲਾਨਿਆ 1:1 ਬੋਨਸ ਸ਼ੇਅਰ

ਬੋਨਸ ਸ਼ੇਅਰ ਦਾ ਨਿਵੇਸ਼ਕਾਂ 'ਤੇ ਅਸਰ

ਕੰਪਨੀ ਦੇ ਬੋਰਡ ਆਫ਼ ਡਾਇਰੈਕਟਰਜ਼ ਨੇ ਸ਼ੇਅਰਧਾਰਕਾਂ ਨੂੰ ਲਾਭ ਪਹੁੰਚਾਉਣ ਅਤੇ ਮਾਰਕੀਟ ਵਿੱਚ ਲਿਕਵਿਡਿਟੀ (Liquidity) ਵਧਾਉਣ ਲਈ 1:1 ਦੇ ਅਨੁਪਾਤ ਵਿੱਚ ਬੋਨਸ ਸ਼ੇਅਰਾਂ ਨੂੰ ਮਨਜ਼ੂਰੀ ਦਿੱਤੀ ਹੈ। ਇਸ ਦਾ ਮਤਲਬ ਹੈ ਕਿ ਜੇ ਤੁਹਾਡੇ ਕੋਲ ਕੰਪਨੀ ਦਾ 1 ਸ਼ੇਅਰ ਹੈ, ਤਾਂ ਉਹ ਵਧ ਕੇ 2 ਹੋ ਜਾਣਗੇ। ਇਹ ਬੋਨਸ 31 ਮਾਰਚ 2026 ਤੱਕ ਦੇ ਫ੍ਰੀ ਰਿਜ਼ਰਵ ਅਤੇ ਸਕਿਓਰਿਟੀਜ਼ ਪ੍ਰੀਮੀਅਮ ਅਕਾਊਂਟ ਵਿੱਚੋਂ ਦਿੱਤਾ ਜਾਵੇਗਾ।

ਕੈਪੀਟਲ ਸਟ੍ਰਕਚਰ ਵਿੱਚ ਬਦਲਾਅ

ਇਸ ਪ੍ਰਕਿਰਿਆ ਨੂੰ ਸੁਚਾਰੂ ਬਣਾਉਣ ਲਈ, ਕੰਪਨੀ ਆਪਣੀ ਅਥੋਰਾਈਜ਼ਡ ਸ਼ੇਅਰ ਕੈਪੀਟਲ ਨੂੰ ₹25 ਕਰੋੜ ਤੋਂ ਵਧਾ ਕੇ ₹60 ਕਰੋੜ ਕਰਨ ਜਾ ਰਹੀ ਹੈ। ਬੋਨਸ ਦੇ ਬਾਅਦ, ਪੇਡ-ਅੱਪ ਇਕੁਇਟੀ ਕੈਪੀਟਲ ₹25 ਕਰੋੜ ਤੋਂ ਵੱਧ ਕੇ ₹50 ਕਰੋੜ ਹੋ ਜਾਵੇਗੀ, ਜਿਸ ਨਾਲ ਕੁੱਲ ਸ਼ੇਅਰਾਂ ਦੀ ਗਿਣਤੀ ਲਗਭਗ 50 ਮਿਲੀਅਨ ਯੂਨਿਟ ਤੱਕ ਪਹੁੰਚ ਜਾਵੇਗੀ।

ਅਗਲਾ ਕਦਮ ਕੀ ਹੋਵੇਗਾ?

ਸ਼ੁੱਕਰਵਾਰ ਨੂੰ ਇਹ ਸਟਾਕ ₹1,014 'ਤੇ ਬੰਦ ਹੋਇਆ ਸੀ। ਹਾਲਾਂਕਿ ਇਹ ਪ੍ਰਸਤਾਵ ਹਾਲੇ ਸ਼ੇਅਰਧਾਰਕਾਂ ਅਤੇ ਰੈਗੂਲੇਟਰੀ ਅਥਾਰਟੀਆਂ ਦੀ ਮਨਜ਼ੂਰੀ ਦੇ ਅਧੀਨ ਹੈ। ਮੈਨੇਜਮੈਂਟ ਨੇ ਸੰਕੇਤ ਦਿੱਤਾ ਹੈ ਕਿ ਇਹ ਸਾਰੀ ਪ੍ਰਕਿਰਿਆ 60 ਦਿਨਾਂ ਦੇ ਅੰਦਰ ਪੂਰੀ ਹੋ ਜਾਵੇਗੀ। ਨਿਵੇਸ਼ਕਾਂ ਨੂੰ ਹੁਣ ਸਿਰਫ਼ ਕੰਪਨੀ ਦੁਆਰਾ ਐਲਾਨੇ ਜਾਣ ਵਾਲੇ 'ਰਿਕਾਰਡ ਡੇਟ' (Record Date) ਦਾ ਇੰਤਜ਼ਾਰ ਕਰਨਾ ਚਾਹੀਦਾ ਹੈ, ਕਿਉਂਕਿ ਸਿਰਫ਼ ਰਿਕਾਰਡ ਡੇਟ ਵਾਲੇ ਦਿਨ ਸ਼ੇਅਰ ਰੱਖਣ ਵਾਲੇ ਨਿਵੇਸ਼ਕ ਹੀ ਇਸ ਬੋਨਸ ਦੇ ਹੱਕਦਾਰ ਹੋਣਗੇ।