US ਮਿਡਟਰਮ ਚੋਣਾਂ ਵਿੱਚ ਡੈਮੋਕ੍ਰੇਟਿਕ ਪਾਰਟੀ ਦੀ ਜਿੱਤ ਤੋਂ ਬਾਅਦ Elon Musk ਦੇ ਕਾਰੋਬਾਰੀ ਸਾਮਰਾਜ 'ਤੇ ਸੰਸਦੀ ਜਾਂਚ ਦਾ ਖਤਰਾ ਮੰਡਰਾ ਰਿਹਾ ਹੈ। ਇਸ ਸਿਆਸੀ ਬਦਲਾਅ ਕਾਰਨ Tesla ਦੇ ਸ਼ੇਅਰਾਂ ਵਿੱਚ ਭਾਰੀ ਗਿਰਾਵਟ ਦੇਖਣ ਨੂੰ ਮਿਲੀ ਹੈ।
2026 ਦੀਆਂ US ਮਿਡਟਰਮ ਚੋਣਾਂ ਵਿੱਚ ਡੈਮੋਕ੍ਰੇਟਿਕ ਪਾਰਟੀ ਦੀ ਨਿਰਣਾਇਕ ਜਿੱਤ ਨੇ Elon Musk ਦੇ ਕਾਰੋਬਾਰ ਲਈ ਵੱਡੀ ਚੁਣੌਤੀ ਖੜ੍ਹੀ ਕਰ ਦਿੱਤੀ ਹੈ। ਸੰਸਦ ਦੇ ਦੋਵਾਂ ਸਦਨਾਂ 'ਤੇ ਕੰਟਰੋਲ ਹੋਣ ਨਾਲ, ਲਾਅਮੇਕਰਸ ਹੁਣ Musk ਦੇ ਕਾਰੋਬਾਰਾਂ ਦੀ ਸਖ਼ਤ ਨਿਗਰਾਨੀ ਦੀ ਤਿਆਰੀ ਕਰ ਰਹੇ ਹਨ। ਦੱਸ ਦਈਏ ਕਿ Musk ਨੇ ਰਿਪਬਲਿਕਨ ਮੁਹਿੰਮਾਂ 'ਤੇ USD 445 ਮਿਲੀਅਨ ਤੋਂ ਵੱਧ ਖਰਚ ਕੀਤੇ ਸਨ, ਪਰ ਜ਼ਿਆਦਾਤਰ ਉਮੀਦਵਾਰ ਹਾਰ ਗਏ।
ਬਾਜ਼ਾਰ 'ਤੇ ਅਸਰ
ਇਸ ਨਤੀਜੇ ਤੋਂ ਬਾਅਦ ਬਾਜ਼ਾਰ ਵਿੱਚ ਹਫੜਾ-ਦਫੜੀ ਮੱਚ ਗਈ। ਸਿਰਫ਼ ਦੋ ਦਿਨਾਂ ਵਿੱਚ Musk ਦੀਆਂ ਕੰਪਨੀਆਂ ਦਾ ਕੁੱਲ ਮਾਰਕੀਟ ਵੈਲਯੂ ਲਗਭਗ USD 450 ਬਿਲੀਅਨ ਡਿੱਗ ਗਿਆ। ਨਿਵੇਸ਼ਕਾਂ ਨੂੰ ਡਰ ਹੈ ਕਿ ਹੁਣ ਸਰਕਾਰੀ ਨੀਤੀਆਂ ਅਤੇ ਰੈਗੂਲੇਟਰੀ ਦਬਾਅ ਕਾਰਨ ਕੰਪਨੀ ਦੇ ਆਪਰੇਸ਼ਨ ਪ੍ਰਭਾਵਿਤ ਹੋ ਸਕਦੇ ਹਨ।
ਸਰਕਾਰੀ ਕੰਟਰੈਕਟਸ 'ਤੇ ਜਾਂਚ ਦੀ ਤਲਵਾਰ
ਕਾਂਗਰਸ ਦੀਆਂ ਕਮੇਟੀਆਂ ਨੇ ਹੁਣ Department of Government Efficiency (DOGE) ਦੀ ਜਾਂਚ ਕਰਨ ਦੇ ਸੰਕੇਤ ਦਿੱਤੇ ਹਨ, ਜਿਸ ਨਾਲ Musk ਸਿੱਧੇ ਤੌਰ 'ਤੇ ਜੁੜੇ ਹੋਏ ਸਨ। ਜਾਂਚਕਰਤਾ ਖਾਸ ਤੌਰ 'ਤੇ Tesla ਅਤੇ SpaceX ਨੂੰ ਮਿਲੇ ਫੈਡਰਲ ਕੰਟਰੈਕਟਸ ਵਿੱਚ 'ਹਿੱਤਾਂ ਦੇ ਟਕਰਾਅ' (Conflict of Interest) ਦੀ ਭਾਲ ਕਰ ਰਹੇ ਹਨ। Government Accountability Office ਪਹਿਲਾਂ ਹੀ DOGE ਦੇ ਖਰਚੇ ਘਟਾਉਣ ਦੇ ਦਾਅਵਿਆਂ 'ਤੇ ਸਵਾਲ ਚੁੱਕ ਚੁੱਕਾ ਹੈ।
ਆਪਰੇਸ਼ਨਲ ਅਤੇ ਕਾਨੂੰਨੀ ਜੋਖਮ
ਸਿਰਫ਼ ਕੰਟਰੈਕਟ ਹੀ ਨਹੀਂ, ਸਗੋਂ ਟੈਕਸਾਸ ਵਰਗੇ ਰਾਜਾਂ ਵਿੱਚ Musk ਦੇ ਪ੍ਰੋਜੈਕਟਾਂ ਨੂੰ ਵਾਤਾਵਰਣ ਸਬੰਧੀ ਮਨਜ਼ੂਰੀਆਂ (Environmental permits) ਲੈਣ ਵਿੱਚ ਵੀ ਦੇਰੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਕਾਨੂੰਨੀ ਮਾਹਰਾਂ ਦਾ ਮੰਨਣਾ ਹੈ ਕਿ ਆਉਣ ਵਾਲੀਆਂ ਕਾਂਗਰਸੀ ਸੁਣਵਾਈਆਂ ਵਿੱਚ ਡਾਟਾ ਪ੍ਰਬੰਧਨ ਅਤੇ ਕਾਰਪੋਰੇਟ ਗਵਰਨੈਂਸ ਨੂੰ ਲੈ ਕੇ ਨਵੇਂ ਸਵਾਲ ਉੱਠ ਸਕਦੇ ਹਨ। ਸ਼ੇਅਰਹੋਲਡਰਾਂ ਨੂੰ ਹੁਣ ਆਉਣ ਵਾਲੀਆਂ ਸੁਣਵਾਈਆਂ ਅਤੇ ਕਿਸੇ ਵੀ ਸੰਭਾਵੀ ਨੋਟਿਸ ਜਾਂ ਸਬਪੋਨਾ (Subpoena) 'ਤੇ ਨਜ਼ਰ ਰੱਖਣੀ ਹੋਵੇਗੀ।