Ministry of Home Affairs ਨੇ ਡੀਪਫੇਕ ਵੀਡੀਓਜ਼ ਰਾਹੀਂ ਹੋ ਰਹੇ ਸਾਈਬਰ ਫਰਾਡ ਨੂੰ ਲੈ ਕੇ ਹਾਈ-ਅਲਰਟ ਜਾਰੀ ਕੀਤਾ ਹੈ। ਸਕੈਮਰਸ AI ਦੀ ਮਦਦ ਨਾਲ ਸਰਕਾਰੀ ਅਧਿਕਾਰੀਆਂ ਦੀ ਨਕਲ ਕਰਕੇ ਲੋਕਾਂ ਨੂੰ UPI ਰਾਹੀਂ ਪੈਸੇ ਠੱਗ ਰਹੇ ਹਨ।
ਕਿਵੇਂ ਚੱਲ ਰਿਹਾ ਹੈ ਇਹ ਫਰਾਡ?
Ministry of Home Affairs ਅਤੇ Indian Cyber Crime Coordination Centre ਨੇ ਇੱਕ ਗੰਭੀਰ ਚੇਤਾਵਨੀ ਦਿੱਤੀ ਹੈ। ਸਕੈਮਰਸ AI ਦੀ ਵਰਤੋਂ ਕਰਕੇ ਪ੍ਰਧਾਨ ਮੰਤਰੀ ਅਤੇ ਵਿੱਤ ਮੰਤਰੀ ਵਰਗੇ ਵੱਡੇ ਅਧਿਕਾਰੀਆਂ ਦੀਆਂ ਜਾਅਲੀ ਵੀਡੀਓਜ਼ ਬਣਾ ਰਹੇ ਹਨ। ਇਹ ਵੀਡੀਓਜ਼ ਮੁੱਖ ਤੌਰ 'ਤੇ Facebook ਅਤੇ Instagram 'ਤੇ ਚਲਾਈਆਂ ਜਾ ਰਹੀਆਂ ਹਨ। ਇੱਕ ਵਾਰ ਜਦੋਂ ਕੋਈ ਵਿਅਕਤੀ ਇਸ ਵਿੱਚ ਦਿਲਚਸਪੀ ਦਿਖਾਉਂਦਾ ਹੈ, ਤਾਂ ਸਕੈਮਰਸ ਉਸਨੂੰ WhatsApp 'ਤੇ ਸੰਪਰਕ ਕਰਦੇ ਹਨ, ਜਿੱਥੇ ਉਹ ਅਕਸਰ +92 ਵਰਗੇ ਅੰਤਰਰਾਸ਼ਟਰੀ ਨੰਬਰਾਂ ਦੀ ਵਰਤੋਂ ਕਰਦੇ ਹਨ।
UPI ਰਾਹੀਂ ਲੁੱਟ
ਠੱਗ ਲੋਕਾਂ ਨੂੰ ਰਜਿਸਟ੍ਰੇਸ਼ਨ ਫੀਸ ਜਾਂ ਟੈਕਸ ਦੇ ਨਾਂ 'ਤੇ ਪੈਸੇ ਮੰਗਦੇ ਹਨ। ਯਾਦ ਰੱਖੋ, ਕੋਈ ਵੀ ਸਰਕਾਰੀ ਸਕੀਮ ਫੰਡ ਜਾਰੀ ਕਰਨ ਲਈ ਪਹਿਲਾਂ ਪੈਸੇ (Upfront Payment) ਦੀ ਮੰਗ ਨਹੀਂ ਕਰਦੀ। ਫਰਾਡ ਕਰਨ ਵਾਲੇ ਲੋਕਾਂ ਨੂੰ UPI ਰਾਹੀਂ 'ਕਲੈਕਟ ਰਿਕਵੈਸਟ' ਭੇਜਦੇ ਹਨ ਜਾਂ ਉਨ੍ਹਾਂ ਨੂੰ UPI PIN ਦੱਸਣ ਲਈ ਮਜਬੂਰ ਕਰਦੇ ਹਨ, ਜਿਸ ਨਾਲ ਲੋਕਾਂ ਦਾ ਬੈਂਕ ਖਾਤਾ ਖਾਲੀ ਹੋ ਜਾਂਦਾ ਹੈ।
ਕੀ ਕਰਨਾ ਚਾਹੀਦਾ ਹੈ?
- ਸਿਰਫ਼ ਅਧਿਕਾਰਤ ਵੈੱਬਸਾਈਟਾਂ ਤੋਂ ਹੀ ਸਕੀਮਾਂ ਦੀ ਜਾਣਕਾਰੀ ਲਓ।
- ਕਦੇ ਵੀ ਆਪਣਾ UPI PIN ਜਾਂ OTP ਕਿਸੇ ਨਾਲ ਸ਼ੇਅਰ ਨਾ ਕਰੋ।
- ਅਣਜਾਣ UPI ਪੇਮੈਂਟ ਰਿਕਵੈਸਟ ਨੂੰ ਕਦੇ ਵੀ Approve ਨਾ ਕਰੋ।
ਜੇਕਰ ਤੁਹਾਡੇ ਨਾਲ ਕੋਈ ਧੋਖਾਧੜੀ ਹੁੰਦੀ ਹੈ, ਤਾਂ ਤੁਰੰਤ 1930 ਨੰਬਰ 'ਤੇ ਕਾਲ ਕਰੋ ਜਾਂ www.cybercrime.gov.in 'ਤੇ ਆਪਣੀ ਸ਼ਿਕਾਇਤ ਦਰਜ ਕਰਵਾਓ।