ਭਾਰਤੀ ਆਈਸਕ੍ਰੀਮ ਮਾਰਕੀਟ ਵਿੱਚ ਵੱਡਾ ਬਦਲਾਅ ਦੇਖਣ ਨੂੰ ਮਿਲ ਰਿਹਾ ਹੈ। ਗਾਹਕ ਹੁਣ 'ਵੈਜੀਟੇਬਲ ਫੈਟ' ਵਾਲੇ ਡਿਜ਼ਰਟਸ ਛੱਡ ਕੇ ਡੇਅਰੀ-ਆਧਾਰਿਤ ਆਈਸਕ੍ਰੀਮ ਨੂੰ ਤਰਜੀਹ ਦੇ ਰਹੇ ਹਨ। 2025 ਵਿੱਚ GST ਕਟੌਤੀ ਅਤੇ Reliance Consumer Products ਦੀ ਐਂਟਰੀ ਨਾਲ ਹੁਣ ਮਾਰਕੀਟ ਵਿੱਚ ਮੁਕਾਬਲਾ ਕਾਫੀ ਸਖ਼ਤ ਹੋ ਗਿਆ ਹੈ।
ਭਾਰਤੀ ਆਈਸਕ੍ਰੀਮ ਇੰਡਸਟਰੀ ਇਸ ਸਮੇਂ ਇੱਕ ਵੱਡੇ ਬਦਲਾਅ ਦੇ ਦੌਰ ਵਿੱਚੋਂ ਲੰਘ ਰਹੀ ਹੈ। ਤਾਜ਼ਾ ਅੰਕੜਿਆਂ ਮੁਤਾਬਕ, ਡੇਅਰੀ-ਆਧਾਰਿਤ ਆਈਸਕ੍ਰੀਮ ਨੇ ਮਾਰਕੀਟ ਵਿੱਚ 45% ਵੋਲਯੂਮ ਹਾਸਲ ਕਰ ਲਿਆ ਹੈ, ਜੋ ਕਿ 5 ਸਾਲ ਪਹਿਲਾਂ ਸਿਰਫ 35% ਸੀ। ਦੂਜੇ ਪਾਸੇ, ਵੈਜੀਟੇਬਲ-ਫੈਟ ਵਾਲੇ ਫਰੋਜ਼ਨ ਡਿਜ਼ਰਟਸ ਦਾ ਹਿੱਸਾ ਘਟ ਕੇ 55% ਰਹਿ ਗਿਆ ਹੈ।
GST ਦਾ ਅਸਰ ਅਤੇ ਬਦਲਦੀਆਂ ਕੀਮਤਾਂ
ਇਸ ਬਦਲਾਅ ਦੇ ਪਿੱਛੇ ਸਭ ਤੋਂ ਵੱਡਾ ਕਾਰਨ ਸਰਕਾਰ ਦਾ ਫੈਸਲਾ ਹੈ। ਸਤੰਬਰ 2025 ਤੋਂ ਆਈਸਕ੍ਰੀਮ 'ਤੇ GST ਨੂੰ 18% ਤੋਂ ਘਟਾ ਕੇ 5% ਕਰ ਦਿੱਤਾ ਗਿਆ ਸੀ, ਜਿਸ ਨਾਲ ਕੀਮਤਾਂ ਵਿੱਚ ਕਮੀ ਆਈ ਹੈ। ਇਸ ਦੇ ਨਾਲ ਹੀ, ਹੁਣ ਆਈਸਕ੍ਰੀਮ ਸਿਰਫ ਗਰਮੀਆਂ ਦਾ ਸ਼ੌਕ ਨਹੀਂ ਰਹੀ, ਸਗੋਂ ਇਹ ਸਾਰਾ ਸਾਲ ਵਿਕਣ ਵਾਲਾ ਉਤਪਾਦ ਬਣ ਗਿਆ ਹੈ। ਪਹਿਲਾਂ ਇਹ ਸੀਜ਼ਨ ਸਿਰਫ 90 ਦਿਨਾਂ ਦਾ ਹੁੰਦਾ ਸੀ, ਜੋ ਹੁਣ ਵਧ ਕੇ 120 ਦਿਨ ਹੋ ਗਿਆ ਹੈ।
ਨਵਾਂ ਮੁਕਾਬਲੇਬਾਜ਼: Reliance
ਮਾਰਕੀਟ ਵਿੱਚ ਹੁਣ Reliance Consumer Products ਦੀ 'Bombay Creamery' ਨੇ ਐਂਟਰੀ ਮਾਰੀ ਹੈ। ₹10 ਦੀ ਅਗਰੈਸਿਵ ਕੀਮਤ ਰੱਖ ਕੇ ਕੰਪਨੀ ਨੇ Amul, Kwality Wall's, Vadilal ਅਤੇ Hatsun Agro Product ਵਰਗੀਆਂ ਦਿੱਗਜ ਕੰਪਨੀਆਂ ਨੂੰ ਸਿੱਧੀ ਚੁਣੌਤੀ ਦਿੱਤੀ ਹੈ।
ਨਿਵੇਸ਼ਕਾਂ ਲਈ ਚੇਤਾਵਨੀ
ਵੱਡੀਆਂ ਕੰਪਨੀਆਂ ਦੇ ਆਉਣ ਨਾਲ ਮਾਰਕੀਟਿੰਗ ਅਤੇ ਡਿਸਟ੍ਰੀਬਿਊਸ਼ਨ 'ਤੇ ਖਰਚਾ ਵਧੇਗਾ। ਦੁੱਧ ਦੀਆਂ ਵਧਦੀਆਂ ਕੀਮਤਾਂ ਅਤੇ ਕੋਲਡ-ਚੇਨ ਦੇ ਖਰਚਿਆਂ ਕਾਰਨ ਪੁਰਾਣੀਆਂ ਕੰਪਨੀਆਂ ਦੇ ਮਾਰਜਿਨ (Margins) 'ਤੇ ਦਬਾਅ ਦੇਖਣ ਨੂੰ ਮਿਲ ਸਕਦਾ ਹੈ। ਨਿਵੇਸ਼ਕਾਂ ਨੂੰ ਆਉਣ ਵਾਲੀਆਂ ਤਿਮਾਹੀਆਂ ਦੇ ਨਤੀਜਿਆਂ ਵਿੱਚ ਕੰਪਨੀਆਂ ਦੇ ਖਰਚਿਆਂ 'ਤੇ ਖਾਸ ਨਜ਼ਰ ਰੱਖਣੀ ਚਾਹੀਦੀ ਹੈ।