Shein ਅਤੇ Temu ਲਈ ਫਰਾਂਸ ਦਾ ਸਖ਼ਤ ਐਕਸ਼ਨ, ਹੁਣ ਹਰ ਆਈਟਮ 'ਤੇ ਲੱਗੇਗਾ ਵਾਤਾਵਰਣ ਟੈਕਸ

ਫਰਾਂਸ ਨੇ ਫੈਸ਼ਨ ਇੰਡਸਟਰੀ ਲਈ ਇੱਕ ਨਵਾਂ ਨਿਯਮ ਲਾਗੂ ਕੀਤਾ ਹੈ, ਜੋ ਖਾਸ ਤੌਰ 'ਤੇ Shein ਅਤੇ Temu ਵਰਗੇ ਵੱਡੇ ਪਲੇਟਫਾਰਮਾਂ ਨੂੰ ਨਿਸ਼ਾਨਾ ਬਣਾਉਂਦਾ ਹੈ। 1 ਸਤੰਬਰ, 2026 ਤੋਂ, ਹਰ ਇੱਕ ਆਈਟਮ 'ਤੇ €0.25 ਤੋਂ ਲੈ ਕੇ €12 ਤੱਕ ਦਾ ਵਾਤਾਵਰਣ ਟੈਕਸ ਵਸੂਲਿਆ ਜਾਵੇਗਾ। ਹਾਲਾਂਕਿ, ਇਹ ਟੈਕਸ ਪ੍ਰੋਡਕਟ ਦੀ ਕੀਮਤ ਦੇ 50% ਤੋਂ ਜ਼ਿਆਦਾ ਨਹੀਂ ਹੋ ਸਕਦਾ।

ਨਿਯਮਾਂ ਵਿੱਚ ਹੋਰ ਕੀ ਬਦਲਾਅ?

ਸਰਕਾਰ ਨੇ ਸਿਰਫ ਟੈਕਸ ਤੱਕ ਹੀ ਸੀਮਤ ਨਹੀਂ ਰਹਿਣਾ, ਸਗੋਂ 1 ਜਨਵਰੀ, 2027 ਤੋਂ ਇਨ੍ਹਾਂ ਕੰਪਨੀਆਂ ਦੇ ਇਸ਼ਤਿਹਾਰਾਂ (Advertisements) ਅਤੇ ਇਨਫਲੂਐਂਸਰ ਪ੍ਰਮੋਸ਼ਨਾਂ 'ਤੇ ਵੀ ਪਾਬੰਦੀ ਲਗਾ ਦਿੱਤੀ ਜਾਵੇਗੀ। ਜੇਕਰ ਕੋਈ ਕੰਪਨੀ ਇਹਨਾਂ ਨਿਯਮਾਂ ਦੀ ਉਲੰਘਣਾ ਕਰਦੀ ਹੈ, ਤਾਂ ਉਸ ਨੂੰ €100,000 ਤੱਕ ਦਾ ਭਾਰੀ ਜੁਰਮਾਨਾ ਭਰਨਾ ਪੈ ਸਕਦਾ ਹੈ। ਫਰਾਂਸ ਦੀ ਯੋਜਨਾ ਹੈ ਕਿ 2030 ਤੱਕ ਇਹ ਪ੍ਰਤੀ ਆਈਟਮ ਟੈਕਸ €20 ਤੱਕ ਪਹੁੰਚ ਜਾਵੇਗਾ।

ਨਿਵੇਸ਼ਕਾਂ ਲਈ ਵੱਡੀ ਚੁਣੌਤੀ

ਇਹ ਨਿਯਮ Shein ਅਤੇ Temu ਦੇ ਗਲੋਬਲ ਆਪ੍ਰੇਸ਼ਨਾਂ ਲਈ ਇੱਕ ਵੱਡਾ ਝਟਕਾ ਹੈ, ਖਾਸ ਕਰਕੇ ਜਦੋਂ ਇਹ ਕੰਪਨੀਆਂ ਹਾਂਗਕਾਂਗ ਵਿੱਚ IPO ਲਿਆਉਣ ਦੀਆਂ ਯੋਜਨਾਵਾਂ ਬਣਾ ਰਹੀਆਂ ਹਨ। ਚੀਨੀ ਵਣਜ ਮੰਤਰਾਲੇ ਨੇ ਇਸ ਦਾ ਵਿਰੋਧ ਕਰਦਿਆਂ ਕਿਹਾ ਹੈ ਕਿ ਇਹ ਵਿਸ਼ਵ ਵਪਾਰ ਸੰਗਠਨ (WTO) ਦੇ ਨਿਯਮਾਂ ਦੇ ਖਿਲਾਫ ਹੈ। ਹੁਣ ਮਾਰਕੀਟ ਦੀਆਂ ਨਜ਼ਰਾਂ ਇਸ ਗੱਲ 'ਤੇ ਹਨ ਕਿ ਇਹ ਕੰਪਨੀਆਂ ਆਪਣੀਆਂ ਕੀਮਤਾਂ ਅਤੇ ਮੁਨਾਫੇ ਨੂੰ ਕਿਵੇਂ ਬਰਕਰਾਰ ਰੱਖਦੀਆਂ ਹਨ।